Meizu 16s ҳам Galaxy S10 ва Mi 9 даражасида кучли бўляпти!
Жорий йилнинг октябрида AnTuTu сервиси ушбу бенчмаркда синаб кўрилган смартфонларнинг самарадорлиги бўйича ойлик рейтингини эълон қилганди. Унда биринчи ўрин ўзгармаган эса-да, иккинчи поғонага Meizu 16th чиқиб келиши кўпчиликни ҳайратда қолдирган.
Ушбу ишлаб чиқарувчи энди барчани лол қолдиришга янада қаттиқроқ бел боғлаган кўринади. Зеро, манбаларнинг хабар беришича, унинг навбатдаги флагманига Qualcomm компаниясининг ҳали расман тақдим этилмаган, энг илғор Snapdragon 8150 процессори ўрнатилмоқда.
Тахминларга кўра, янги смартфон ҳам компаниянинг ҳозирги «байроқдор» модели – Meizu 16th дизайнига эга, аммо сал ўзгаришлари бўлади. Бу қурилма Meizu 16s номи билан тақдим этилиши кутилмоқда, бироқ ишлаб чиқаруви ҳали модел номи борасида бир қарорга келмаган.
Эслатиб ўтамиз, якка кристалли Snapdragon 8150 чипи келаси йилнинг бошида дастлаб Samsung Galaxy S10 ҳамда Xiaomi Mi 9 флагманларида қўлланиши кутилаётган эди. Энди эса улар қаторига кутилмаганда Meizu 16s ҳам қўшилди. Демак, самарадорлик бўйича етакчилик учун кураш қизғин кечади!
Дарвоқе, Terashop.uz интернет-дўконимизда мана шу учта компания – Samsung, Xiaomi ҳамда Meizu смартфонларини харид қилиш имкони мавжуд.
