Meizu’дан яна битта янги смартфон: M8 Note «жонли» расмларда!
Ўзбекистон бозорига ўз маҳсулотларини расман тақдим этиб келаётган Meizu компанияси яна битта янги моделини тайёрламоқда. Куни кеча TENAA томонидан эълон қилинган «жонли» сурат шундан далолат бермоқда.
ЎҚИНГ: MEIZU смартфонларининг оригиналлигини ва Ўзбекистонда сертификатланганлигини аниқлаймиз
Мазкур бренднинг Note туркумидаги смартфонлари кенг экрани, яхши техник жиҳатлари ва муносиб нархи билан харидорлар эътиборига тушган. Уларнинг навбатдагиси M822Q модел рақами остида TENAA’да рўйхатга олинди. Meizu M8 Note модели тарзида тақдим этилиши тахмин қилинган бу гаджетнинг «жонли» суратлари ҳам TENAA сайтида чиққан:
Ушбу фаблет яқин орада расман тақдим этилиши мумкин, аммо ҳозирча унинг техник жиҳатлари борасида маълумот йўқ. Фақат унинг диагоналига 5,99 дюймлик экрани 2160х1080 пикселлик тасвир сифатига эга бўлиши тахмин қилинмоқда.
Хабарингиз борки, Meizu компаниясининг шу пайтгача халқаро бозорга чиқарилган бир қатор русумлардаги смартфонларини Terashop.uz интернет-дўконимизда онлайн харид қилиш имкони мавжуд.
