Meizu ҳам буклама смартфон тайёрлаяпти – у бетакрор конструкцияга эга!
Кейинги бир йил мобайнида қайишқоқ экранли буклама мобил қурилма яратиш борасида кўплаб смартфонсозлар пойга ўйнашмоқда. Ушбу майдонга яна битта хитойлик компания – Meizu ҳам кириб келмоқда.
ЎҚИНГ: Galaxy F буклама смартфони таннархини Galaxy S9+ ҳамда iPhone XS Max’ники билан солиштирамиз!
Хитой Интеллектуал мулк миллий бошқармаси ўз сайтида Meizu’нинг буклама смартфони патентини эълон қилди. Унда тавсифланган қурилма «Foldable Terminal and Support Pad» деб номланган. Шунга кўра, бу букилувчи терминал (смартфон) бўлиб, махсус тиркама майдончаси экранни ушлаб туради ва ёпилган ҳолатида шикастланишдан асрайди.
Ушбу майдонча маълум даражада сиқила олади ва шунинг эвазига йиғилган ҳолатдаги смартфоннинг ташқи экранига бўладиган босимни нейтраллаштиради. Тўғри, буларнинг барчаси қандай ишлашини ҳозир аниқ тасаввур қила олмаймиз, бу борадаги янгиликларни биз билан бирга кузатинг.
Дарвоқе, Terashop.uz интернет-дўконимизда савдога қўйилган Meizu’нинг турли русумлардаги смартфонлари куни кеча арзонлашди! Энди уларни 750 000 сўмдан бошланувчи нархларда онлайн усулда харид қилиш мумкин!
