Meizu “Краснодар” футбол клуби билан ҳамкорлик қилади
2016 йил, 19 – авгувст куни Хитойнинг Meizu компанияси Россиянинг “Краснодар” футбол клуби билан ҳамкорлик қилиш бўйича келишувга эришди. Келишув шартларидан бирига кўра, Meizu логотипи клуб ўйинчиларининг футболкасида пайдо бўлади. Шунингдек, клубга тегишли стадионга хитойлик бренднинг баннерлари ўрнатилади.
“Краснодар” футбол клуби унчалик узоқ тарихга эга эмас. Аммо ўзининг 8 йиллик фаолияти давомида ижобий натижаларни қайд қилиб қелмоқда. Масалан, 2015-2016 мавсумининг натижаларига кўра, ушбу жамоа чемпионатда 4-ўринни банд этган ва Европа лигасида (“Зенит” ва “Спартак” билан биргаликда) Россия номидан иштирок этиш ҳуқуқини қўлга киритган.
