Meizu mx5 – «Малика»даги энг қиммат Meizu смартфони
Хитойда оммабоп ҳисобланган Meizu смарфтонлари орасида ўз ўрнига эга Meizu mx5 2015 йилнинг июнида тақдим этилган эди. Металл корпусга эга смартфоннинг олд панели Gorilla Glass 3 шишаси билан қопланган.
Пиксель сиғими 1080х1920 белги (Full HD) бўлган, мультитач технологияга эга, Samsung’нинг 5,5 дюймли SuperAMOLED экрани аниқ ва ёрқин тасвир узатиш қобилияти билан таъминланган.
Смартфон 2,2 Ггц частотада ишлайдиган, 8 ядроли, 64 битли MediaTek Helio X10 процессори, 3 ГБ сиғимли оператив хотира ҳамда 16 ГБ сиғимли доимий ички хотирага эга. Шу билан бирга, смартфонда PowerVR G6200 график-тасвир процессори ҳам мавжуд.
Meizu mx5 Android 5.0 мобиль операцион тизимида фаолият кўрсатади. Гаджетда mTouch бармоқ излари сканери татбиқ қилинган.
Смартфон Sony’нинг ёруғлик кучи f/2,2 бўлган 20,7 Мп бош камерасидан фойдаланади. Бош камера лазерли фокуслаш ва қўш фоточақноққа эга. Унда 4k юқори сифатли видео тасвир ёзиш мумкин. Шунингдек, гаджет 5 Мп олд камера билан таъминланган.
Meizu mx5 батареясининг электр токи сиғими 3150 мА соат бўлиб, тезкор қувватлаш технологияси асосида у ярим соатда қувватини 50 фоизга тўлдиради. Аммо баъзи тадқиқотларда бу муддат 1 соатгача ҳам чўзилган.
Meizu mx5’да гироскоп, ташқи ёритиш датчиги, масофа-оралиқ датчиги, Холл датчиги, рақамли компас каби замонавий сенсорлар жорий қилинган.
Смартфон ўлчамлари: 149.9 x 74.7 x 7.6 мм, вазни 149 грамм.
2016 йилнинг 18 май ҳолатида «Малика» савдо марказида Meizu mx5’нинг 32 Гб доимий хотирага эга талқини 2,108,000 сўмдан сотилмоқда.
