Meizu тасдиқлади: икки экранли Pro 7 смартфони чиқарилмайди

  •   Saroy
  •  1029
  •  26.06.2018 11:34

Meizu тасдиқлади: икки экранли Pro 7 смартфони чиқарилмайди

Бундан бир йилча аввал, Meizu компанияси ўзининг Pro 7 смартфонини ишлаб чиқарган эди. Ушбу модель нафақат қўш камераси билан, балки қўш экрани билан ҳам экспертлар, бозор иштирокчилари ва фойдаланувчиларнинг эътиборини тортганди. Асосий дисплейдан ташқари, смартфоннинг орқа панелига кичкина дисплей ўрнатилганди. Унда вақт, сана ёки камерада олинган  суратлар кўриниб турарди. Энди маълум бўлишича, ишлаб чиқрувчилар эксперимент амалга ошмаганини тасдиқлаган ва шу сабабли, Pro 7 линейкаси ишлаб чиқаришдан тўхтатилган.

Смартфонлар аввал бошданоқ оммалашмаганди, натижада дуконларда харидорларни жалб қилиш учун нархни туширишга тўғри келди. Сотув жараёни шу даражага келдики, Meizu Pro 7’нинг баҳоси  сотув старт олгандагидан кўра икки баробарга тушиб кетди.

ЎҚИНГ: Meizu 16’нинг нархи маълум бўлди

Аввал бошда 3 миллион дона Meizu Pro 7 ва Pro 7 Plus смартфонларини сотиш кўзда тутилганди, аммо бир неча ҳафта ўтиб, буюртмалар 1 миллион донага қисқартирилди. Энди эса шу бир миллионнинг ҳам қоқ ярми (500 мингта) омборхоналарда чанг босиб ётибди. Айни пайтда моделни ишлаб чиқариш тўхтатилган.

Meizu асосчиси Хуан Чжан яқинда берган интервьюсида ушбу линейканинг ишлаб чиқарилиши ва етказиб бериш жараёнини шахсан ўзи назорат қилган. Энди, компания раҳбари август ойида сотувга чиқариладиган навбатдаги модель –  Meizu 16’нинг муваффақият қозонишига алоҳида эътибор қаратишини маълум қилган. Бунинг учун у, компания мутахассисларига  Meizu 16 билан боғлиқ жараённи синчиклаб таҳлил қилишни ва харидорбоп бўлишини таъминлашни талаб қилган.

ЎҚИНГ: iPhone X’ни уялтирган смартфон

Сайт янгиликларидан доимий хабардор бўлиш учун Телеграм каналимизга қўшилинг!