Meizu Xiaomi’га жавоб тайёрлаяпти

Бундан бир неча кун олдин Хитойнинг Xiaomi компанияси Xiaomi Mi Mix номли рамкасиз смартфонни тақдим қилган эди.  Инновацион модель жуда кўп фойдаланувчилар ва мутахассисларнинг эътиборини жалб қилди.

Бугун Сhina Review нашрида пайдо бўлган хабарга кўра, яна бир хитойлик технология гиганти Meizu фирмаси Xiaomi’нинг мазкур смартфонига ўхшаш рамкасиз модель устида иш бошлаган. Хабарда ёзилишича, Meizu’нинг ушбу смарфони катта эътимол билан декабрь ойида намойиш қилиниши мумкин.

Ҳатто Meizu’га қарашли янги рамкасиз смартфоннинг концепт суратлари Хитой микроблоги – Weibo тармоғида эълон қилинган. Моделнинг олд панели бутунлай рамкалардан холи (Xiaomi Mi Mix моделининг қуйи қисмида кичик рамка мавжуд).

Тахминларга кўра, бармоқ изи сканери товушли бўлиб, экраннинг ўзига интеграцияланган бўлиши мумкин. Кўрамиз, Meizu бу гал қандай гаджет билан барчани лол қолдирар экан.