Метаолам смартфони?

Метаолам смартфони?

Бир пайтлар Android смартфонлари бозорида 50 фоиздан ортиқ улуш билан ҳукмронлик қилган HTC компанияси сўнгги йилларда умуман "кўринмай кетган" эди, лекин таниқли бренд тез орада янги мобил қурилма билан кучли камбек қиладиган кўринади. Компаниянинг расмий Twitter саҳифасида маълум қилинишича, 28 июн куни HTC янги маҳсулотни тақдим қилади.

Улашилган тизер суратдан кўриш мумкинки, қурилма "Viverse" оиласига мансуб бўлади ва у смартфон бўлиши аниқ. "Viverse" эса HTC томонидан шундай таърифланади: "Одамларни ҳаёт йўлларидан очиқ виртуал дунёга боғлайдиган метаолам экотизимидир." Шундай қилиб, юқори даражада бўлиши айтилаётган янги HTC смартфони метаолам хусусиятлари билан интеграциялашади.

HTC ҳам Мета каби ўз эътиборини виртуал оламга қаратган ва унинг Viverse экотизими "собиқ Фаcебоок"га рақобатчилик қилади.

Агар HTC'нинг бўлажак смартфони метаоламга асосланиб чиқарилган бўлса, бу унинг биринчи ноодатий телефони бўлмайди. Компания 2018 йилда криптовалютага қаратилган Exodus 1 смартфонини чиқарган эди, лекин у унчалик омма эътиборини тортмаган. Бу сафарги янги смартфон қандай бўлишини эса вақт кўрсатади.

ЎҚИНГ: Nothing'нинг илк смартфони қачон тақдим қилиниши расман маълум қилинди!

Terabayt.uz сайтининг видеолари: Youtube'даги каналимизда!