Mi 8 флагманига «сиғмай қолган» муҳим бир жиҳат Mi 9’да бўлади!

  •   DiMaX
  •  1791
  •  01.02.2019 18:29

Mi 8 флагманига «сиғмай қолган» муҳим бир жиҳат Mi 9’да бўлади!

Xiaomi компанияси ўзининг навбатдаги флагман смартфонини сир тутаётир, аммо инсайдерлар Mi 9 ҳақида кўплаб маълумотлар тарқатишган. GSMarena ресурси эса унинг барча техник хусусиятларини бирданига ошкор этиб қўяқолган.

ЎҚИНГ: Xiaomi Mi 9’нинг илк расмий тизери эълон қилинди – у февралдаёқ тақдим этилиши мумкин!

Xiaomi янги маҳсулотининг дастурчилар жамоаси раҳбари Ван Тен Томас (Wang Teng Thomas) куни кеча Weibo ижтимоий тармоғида компания фанатлари билан ёзишаётиб, қизиқ маълумотни айтиб қўйган. Мухлислар ундан Mi 9 моделида инфрақизил порт бор-йўқлигини сўрашган.

Мазкур саволга Томас тўғридан-тўғри жавоб бермаса-да, унинг бўлишига анча аниқ шаклда шама қилган: «Агар пулингиз бўлса, унга ўзингизга кераклисини харид қила оласиз». Шунга қараганда, инфрақизил порт Xiaomi Mi 9 флагманининг энг илғор версиясидагина бўлиши ҳам мумкин.

Айтиш керакки, Xiaomi’нинг ўтган йилги флагмани – Mi 8 (сотиб олиш) моделида инфрақизил порт йўқ. Компания ижрочи директор Лей Цзунь (Lei Jun) ўшанда, шунчаки смартфон корпусида унинг учун жой қолмаганини сабаб қилиб кўрсатган. Лекин унинг Mi 8 SE (сотиб олиш) моделига ушбу датчик қўйилган, фақат унда контактсиз тўловлар учун NFC модули йўқ.

Mi 9 флагманини «хитойча Apple» мана шу ёки кейинги ойда расман намойиш этиши кутилмоқда. Компаниянинг кўплаб русумлардаги бошқа смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор.

ЎҚИНГ: Энг арзон Xiaomi смартфони – Redmi Go суратлари ва нархи эълон қилинди

Хабарларни тез ва осон ўқиш учун Андроид иловамизни сақлаб олинг.