Mi 8'ни ўта сифатли, ҳақиқий суратларда томоша қиламиз

Mi 8'ни ўта сифатли, ҳақиқий суратларда томоша қиламиз

Xiaomi Mi 8 бугун илк маротаба ёрқин ва сифатли суратларда кўриниш берди. Флагманнинг сифатли рендерлари таниқли SlashLeaks инсайдери томонидан эълон қилинган. Унда Mi 8 талқинда, шишадор дизайнда акс этган. Янги суратларда Xiaomi Mi 8 смартфони икки талқинда намойиш қилинган.

Афтидан, оқ корпусли Xiaomi Mi 8 олд панели қора рангда бўлади. Бу бир оз ноодатий дизайн ечими бўлади. Шу билан бирга, компания флагманларининг «шоҳи»нинг экран юқорисидаги "кесиқ" анқа чўзилган ва бу бекорга эмас. Бу ерда Xiaomi Mi 8 модели учун 3D-камера ўрнатилади. Смартфон бундай жиҳатга эга илк Android смартфон бўлади. Унинг ёрдамида смартфоннинг хавфсизлик тизими таъминланади. Бугунга қадар iPhone X шундай жиҳатга эга бўлган.

Бироқ флагман қуйисидаги қора ҳошия анча кенгга ўхшаб турибди. Бу қор ҳошия смартфоннинг дизайн ечимини бузиб кўрсатади. Бармоқ изи сканери эса гаджетнинг орқа панелида ўрнатилган. Бу эса компания экранга ўрнатилган виртуал бармоқ изи сканерига тўлиқ ўтишга ҳали тайёр эмас.

Ўқинг: Xiaomi энг кучли камерафонини айтди

Mi 8 моделининг диагонали 6,01 дюймли бўлган OLED-панел, Snapdragon 845 чипига ҳамда 6 гигабайтли тезкор хотирага, 256 гигабайтгача доимий хотирага эга бўлиши кутилмоқда. Флагман бош камераси эса 20 мегапикселли ҳамда 16 мегапикселли сенсорлар бирикувидан иборат бўлади. Xiaomi Mi 8 моделининг нархи 449 АҚШ доллари бўлишини турли манбалар эълон қилишмоқда.

Terabayt.uz сайтининг видеолари: Youtube'даги каналимизда!