Mi 9 арзонлашди, чунки «тўрткўз» 5G-флагман – Mi 9 Pro чиқяпти!
Xiaomi корпорацияси куни кеча Mi 9 смартфонининг нархини расман пасайтира бошлаган. Масалан, Jingdong онлайн дўконида 8/128 ГБ хотирали флагман нархи 490 доллардан 475 долларга туширилган.
ЎҚИНГ: Xiaomi ўз смартфонларига ўта фойдали функцияни қайтаряпти
Хитойлик инсайдерлар эса бунинг сабабини маълум қилишди: Xiaomi аллақачон унинг янада такомиллаштирилган версияси – Mi 9 Pro флагманини тайёрламоқда.
Таъкидлаб ўтиш керакки, Xiaomi ўз флагманининг премиал версияси – Mi 9 Transparent Edition’ни ҳам тақдим этган. У орқа панелининг дизайни, тезкор хотира ҳажми катталиги ва уч модулли камерасининг бироз яхшиланганлиги билан оддий Mi 9 флагманидан фарқ қилади.
Xiaomi Mi 9 Pro эса бутунлай бошқа – янги модел бўлиб, унинг бош камераси тўртта сенсордан иборат: у 28, 12 ва 8 мегапикселлик оптик датчиклардан ташқари уч ўлчамли ToF-модулини ҳам ўз ичига олади. Шунингдек, мазкур смартфон Snapdragon 855 процессори ҳамда 5G-модемга, 8 ёки 12 ГБлик тезкор ва 256 ёхуд 512 ГБлик ички хотирага, 2K-экранга жорий этилган бармоқ изи сканерига эга бўлади.
ЎҚИНГ: OLED-экранли барча Xiaomi смартфонлари эгаларига хушхабар бор!
Ҳали Mi 9 намойишидан ҳам аввал компания топ-менежерларидан бири ижтимоий тармоқларда битта тизер расмни эълон қилган ва унда тўртталик камерага эга смартфон акс этган эди. Ўшанда Xiaomi ходими бунинг Mi 9 Explorer Edition модели эканини айтганди.
Шу пайтгача Xiaomi Mi 9 Explorer Edition русумли смартфон намойиш қилинмаганига қараганда, «хитойча Apple» уни энди Xiaomi Mi 9 Pro номи остида тақдим этмоқчи.
Хабарларга кўра, Xiaomi Mi 9 Pro шу йилнинг июнида – кейинги ойдаёқ расман тақдим қилинади. Ушбу ишлаб чиқарувчи жорий ойда энг илғор Snapdragon 855 процессорига эга энг арзон Redmi 855 моделини тақдим этиши ва у самарадорликда ҳатто Mi 9 (сотиб олиш) флагманидан ҳам устун келиши кутилмоқда. Айрим русумлардаги Xiaomi телефонларини эса аллақачон 585 000 сўмдан бошланувчи нархларда Terashop.uz интернет-дўконимиздан харид қилиш имкони бор.
