Mi Band 3 «кушандаси» сотувга чиқди!
Бир неча кун аввал Хитойда Huawei TalkBand B5 номли спорт браслетининг тақдимоти бўлиб ўтган эди. Ушбу гаджет илғор техник жиҳатларга эга бўлгани билан ҳам диққатга сазовор. Шунинг учун ҳам кўпчилик маркетологлар уни Xiaomi Mi Band 3 браслетининг «кушандаси» деб ҳам атай бошлашди.
Бугун, 19 июль куни Huawei TalkBand B5 илк маротаба сотувга чиқарилди. Ишлаб чиқарувчи эса гаджетнинг баҳосини расман эълон қилди.
Ўқинг: Xiaomi Mi Band 2: 25 доллар соғлигингиздан ўргилсин!
Қўл девайси учун 1,13 дюймли ва рангли AMOLED экран танланган. Экран сенсор, қўл бошқаруви мавжуд. Унинг пикселлар сиғими 300 га160 пиксел. Шу билан бирга, янги гаджет фойдаланувчининг жисмоний фаоллигини қайд этадиган илғор датчиклар билан ҳам таъминланган.
Huawei TalkBand B5 браслети эга бўлган TruSleep 2.0 функцияси эса фойдаланувчи уйқуда бўлганида унинг ҳолатига оид қўшимча маълумотларни тўплайди ва қайта ишлайди. Хусусан, юрак уриши фаолияти бўйича.
Huawei TalkBand B5 браслетининг корпуси IP67 стандарти бўйича сувдан ҳимоя қилинган. Яъни, бу трекерни қўлдан ечмаган ҳолда ванна ёки душ қабул қилиш мумкин. Бироқ, бассейнга тушиш тавсия қилинмайди.
Huawei TalkBand B5 учун 108 мА соат ток сиғимига эга аккумулятор ўрнатилган. Бир марта қувватлангач, девайс 7 – 10 кун ишлайди.
TalkBand B5 девайсидан қўл соати сифатида ҳам фойдаланиш мумкин. Бунинг учун қурилмада ҳозирда бир неча циферблатлар мавжуд, ишлаб чиқарувчи истиқболда уларнинг сонини янада оширишни режа қилган.
Қўл гаджетининг энг арзон талқини - "Sport" деб номланган. Бу бошланғич моделни $149 доллардан харид қилиш мумкин. Business модел учун $179 доллар сўралмоқда. Энг қиммат талқин Fashion бўлиб, унинг баҳоси $225 долларга етади.
Huawei TalkBand B5 фитнес-браслети уч хил талқинда савдога чиқарилган: улардаги ягона фарқ - қайиш учун ишлатилган материалда. Қолган жиҳатлари бир хил. Яъни, браслет банди силикондан, металлдан ҳамда табиий теридан ишланган бўлиши мумкин.
Ўқинг: Amazfit Cor – Xiaomi'нинг яп-янги кўркам смарт-браслети
Бироқ, хулоса қилишга шошмайлик. Huawei TalkBand B5 браслети Xiaomi Mi Band 3 учун «кушанда» бўла олмайди. Боиси бу девайс ўз рақибидан деярли 7 баробар қиммат. Xiaomi Mi Band 3 айни пайтда Хитойда 25 АҚШ долларидан сотилмоқда.
