Mi Max 3 сурати TENAA’га чиқди: iPhone X’га ўхшаш, аммо экрани «кемтик»сиз!
Xiaomi компаниясининг эндиликда кутилаётган смартфонларидан бири Mi Max 3 модели бўлади. Хитойнинг коммуникация воситаларини рўйхатга олувчи TENAA агентлигининг расмий саҳифасида унинг хусусиятлари куни кеча маълум қилинган эди.
ЎҚИНГ: Mi Max 3: "гигант кинофон" ҳайратга солади
Энди эса мазкур сайтда ушбу планшетофоннинг сурати ҳам эълон қилинди. Ундан англашиладики, Mi Max 3 олд панели анчагина содда – компаниянинг яқинда тақдим этилган ҳамёнбоп Redmi 6 туркумини эслатади. Улкан дисплейининг тепасида купертиноликларнинг суперфлагманидаги каби «ўйиқ» йўқ.
Кўриб турганингиздек, мазкур девайснинг металлдан ясалган орқа панели Xiaomi’нинг бир қатор смартфонлари – Redmi Note 5 Pro, Mi Mix 2S ҳамда Mi 6X моделларидаги каби дизайнга эга. Яъни, қўшалоқ камера модуллари iPhone X’даги сингари тикка жойлашган, улар орасига фоточақноқ қўндирилган. Корпус орқа қопқоғининг ўртасида эса бармоқ изи сканери мавжуд.
Умуман олганда, Mi Max 3 техник хусусиятлари ўртача, ўлчами катта қурилма бўлиши кутилаётир. Унинг намойиш санаси ва сотувга чиқарилиш вақти ҳозирча номаълум, бу борадаги янгиликларни биз билан бирга кузатишингиз мумкин. Аммо «хитойча Apple»нинг аллақачон бозорга тақдим этилган кўплаб смартфонларини Ўзбекистонда ҳам расмий кафолат билан олишингиз мумкин. Жумладан, ўзимизнинг «Terashop.uz» онлайн дўконимиздан уларни нақд пулсиз тўлов усуллари орқали харид қилиш имкониятлари мавжуд.
