Mi Max 3 тақдимот санасини Xiaomi овозли ёрдамчиси «сотиб» қўйди!
Xiaomi Redmi Note 4X Hatsune EditionXiaomi компанияси куни кечагина иккита янги гаджети – Redmi 6 Pro смартфони ҳамда Mi Pad 4 планшетини намойиш этган эди. Энди эса у Mi Max 3 фаблетининг тақдимотига тайёргарлик кўрмоқда.
ЎҚИНГ: Атиги 170 долларлик, аммо металл корпус ва «ақлли» камерага эга Xiaomi Mi Pad 4 тақдим этилди
Қизиғи шундаки, Mi Max 3 планшетофонининг намойиш этилиш санасини компаниянинг овозли ёрдамчиси – Xiao AI ошкор этиб қўйган. Мазкур «ақлли» ёрдамчи айни дамда фақат Хитойдаги фойдаланувчилар учунгина амал қилади.
Хулласи калом, Xiao AI’га кўра, «хитойча Apple» кейинги ҳафтада – 3 июль санасида тақдимот маросими ўтказмоқчи. Ушбу тадбирда Xiaomi Mi Max 3 смартфони намойиш этилади.
ЎҚИНГ: Mi Max 3: "гигант кинофон" ҳайратга солади
Шу билан бирга, ушбу маросимда Mi 6X моделининг Мику Хацунэга бағишланган махсус анимэ талқини – Mi 6X Hatsune Edition ҳам тақдим қилинади. Айтиш керакки, Мику Хацунэ – япон виртуал хонандаси бўлиб, 2007 йилнинг 31 августида Crypton Future Media томонидан яратилган.
Xiaomi Mi Max 3 фаблетининг техник хусусиятлари ҳақидаги маълумотларни бир қатор хабарларимизда тақдим этганмиз.
ЎҚИНГ: Mi Max 3 сурати TENAA’га чиқди: iPhone X’га ўхшаш, аммо экрани «кемтик»сиз!