Mi Max 4 планшетофони янги суратларда!
Xiaomi Mi Max линейкаси компаниянинг бошқа смартфонлари сингари чиройли дизайн, кучли самарадорлиги билан мақтана олмайди. Сабаби, ушбу сериядаги қурилмаларда асосий эътибор катта ва сифатли экранга қаратилган. Маълумотларга қараганда, Xiaomi Mi Max 4 смартфонида аввалги авлодлари сингари, дисплейининг юқори ва қуйи қисмидаги ромлар сақланиб қолади. Шунингдек, экран ҳимояланган бўлиб, катталиги 7,2 дюмни, аниқлиги 2340 × 1080 пикселни, томонлари нисбати 21:9 ни ташкил қилади. Кўзни яхшироқ ҳимоялаш мақсадида Samsung AMOLED экрани танланган.
ЎҚИНГ: MIUI 11 тизимли Mi Max 4 фаблети атиги 250 доллардан сотувга чиқади!
Рендерлардан кўриш мумкинки, Xiaomi Mi Max 4 олд юқори қисмидан моноблокли камера жой олган. Ушбу моноблокда динамик ва бошқа датчикларга ҳам жой топилган. Қурилма интеллектуал диафрагмали (F/2.1), 16 мегапикселлик селфи-камерага эга бўлади.
Тўртинчи авлод фаблетнинг асосий камераси 24+16+12 мегапикселлик учта датчикдан иборат. Шунингдек, унда фойдаланувчини юзидан таниш функцияси ҳамда NFC модули ҳақида ҳам сўз боради. Моделнинг «электрон юраги» сифатида эса Qualcomm Snapdragon 720 процессори хизмат қилади. Тасвирларни тезкорлик билан қайта ишлашда унга Adreno 616 график чипи кўмакка келади.
Бошқа хусусиятларига келадиган бўлсак, қурилмага тезкор қувватланувчи 6000 мА/соатлик батарея ўрнатилган. Бундай катта ҳажмдаги батареяга эга бўлганлигининг сабаби сифатида катта экраннинг кўп миқдорда қувват талаб қилишини келтириш мумкин. Бармоқ изи сканери олтинчи авлод турига мансуб бўлиб, экраннинг ўзидан жой олиши кўзда тутилган. Корпус материали ҳам Gorilla Glass олтинчи авлод шишасидан ишланади ва бунинг эвазига корпус кучли ҳимояга қобиғига эга бўлади. Яхши янгиликлардан бири – 3,5 миллиметрлик аудиотирқиш ҳам сақланиб қолган.
Энг муҳим жиҳатлардан бири – нарх борасида тўхталадиган бўлсак, намойиш вақтида смартфон нархи 260 доллар атрофида бўлиши кутилмоқда. Ҳозирча, смартфоннинг қачон тақдим қилиниши ва сотувга чиқиши номаълум. Фикримизча, ушбу модел бизни узоқ куттириб қўймайди ва узоғи билан шу йилнинг қиш фаслига қадар дўкон пештахталаридан жой олади.
