Mi Mix 3 ўта қиммат нархда сотувга чиқди, тағин Xiaomi унинг дизайни борасида алдаган экан! (+видео)
Xiaomi компанияси Mi Mix 3 флагманининг «жонли» видео ва 5G тармоғида ишлаётган суратларини ҳамда расмий рекламасини эълон қилганидан хабарингиз бор. Аммо буларда у смартфоннинг ромсизлиги борасида озроқ алдов қўллагани куни кеча маълум бўлиб қолди.
Гап шундаки, Xiaomi куни кеча эълон қилган рендерда Mi Mix 3 смартфони сифатли тарзда намойиш этилган. Унда қурилма экранинг ҳар томонида ромлар ўта юпқа эканини пайқаш қийин эмас. Лекин Хитойнинг энг йирик видеопортали – Youku сайтида эълон қилинган ушбу флагманнинг реклама ролигида эса унинг пастки роми анчагина қалин эканини кўриш мумкин. Мана, қуйида Mi Mix 3’нинг шу иккита тасвирини ўзаро таққослаб кўрамиз:
Демак, рендер-суратларда Xiaomi ушбу смартфонининг ромсизлиги борасида ёлғон қўллаган экан. Аввалроқ унинг процессори борасида ҳам шубҳали маълумот чиққанди.
Youku порталидаги реклама видеоролиги Xiaomi Mi Mix 3 моделининг слайдер механизмини яна бир бор намоён этган:
ЎҚИНГ: Xiaomi смартфонларининг Android Pie асосидаги MIUI 10’гача янгиланиш жадвали
Ушбу девайснинг расмий тақдимоти ҳали 25 октябрда бўлиб ўтишидан хабарингиз бор. Аммо Хитойдаги йирик онлайн дўкон – JD.com сайтида аллақачон уни олдиндан буюртма орқали сотувга ҳам қўйишган!
Интернет-дўконда унга 9999 юань миқдорида нарх белгилашган, бу эса деярли 1443 АҚШ долларига тенг келади! JD.com’нинг «иштаҳаси чаккимас», нима дедингиз?
Terashop.uz интернет-дўконимизда эса Xiaomi’нинг бир қатор русумлардаги смартфонлари, шу шумладан «Тезкорлик устаси» дея тавсифланувчи арзон флагмани – Pocophone F1 ҳам расмий кафолат билан, ҳеч қанақа алдовларсиз сотилмоқда. Уларга онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
