Microsoft Apple'ни қувиб ўтди
Кўп йиллар аввал одамларда компютер учун веб-браузер танлашда турли хил вариантлар мавжуд бўлмаган, улар шунчаки Microsoft'нинг Internet Explorer ёки Apple'нинг Safari браузерини очиб, ўз ишларини қилганлар. Лекин бугунга келиб барчаси кескин ўзгарган ва бозорда ҳар хил функцияларга эга янги рақобатчилар пайдо бўлган, бўлганда ҳам Google'нинг Chrome браузери каби бозорнинг учдан икки қисмини эгаллаб турганлар бор.
Microsoft'нинг Internet Explorer браузери ўз даврининг энг зўри бўлган эди, лекин у тез орада барча компютерларни тарк этади, унинг ўрнини эса янги Microsoft Edge эгаллаган ва у ҳам ўз аждодида изидан кетмоқда. Edge браузери ўтган йилнинг апрелида компютер учун браузерлар бозорининг 7.96 фоизини эгаллаб дунёдаги учинчи энг машҳур браузер бўлган эди. Бу йилга келиб эса унинг бозор улуши 10.07 фоизга етди ва бу билан Apple'нинг Safari браузерини қувиб ўтиб, глобал миқёсда иккинчи энг таниқли браузерга айланди.
Манба: StatCounter Global Stats - Browser Market Share
Apple'нинг Safari'си эса бир йил ичида акс натижани қайд этган: ўтган йил апрелида 9.85% бозор улушига эгалик қилган бўлса, бу йилнинг апрелида бу кўрсаткич 9.61 фоизга тушган. Биринчи ўринни эса ҳеч шубҳасиз Chrome браузери эгаллаб турибди ва унинг бугунги кундаги бозор улуши 66.58 фоизни ташкил қилади.
Ўзбекистонда ҳам Edge браузери фойдаланувчилари сезиларли даражада кўпайган. Қуйидаги жадвалдан кўриш мумкинки, у ўтган йили тўртинчи ўринни эгаллаб турган Firefox браузеридан ўтиб кетиб, унинг ўрнини эгалланган, аммо Safari фойдаланувчилари ҳали ҳам уникидан бироз кўпроқ. Иккинчи ўринни Yandex браузер эгаллаб турган бўлса, биринчи ўринни шубҳасиз Chrome банд қилган.
Манба: StatCounter Global Stats - Browser Market Share
ЎҚИНГ: Microsoft'дан текин VPN
