Microsoft дастурчилар учун йирик ресурс – GitHub’ни харид қилди
Сўнгги беш йилда Американинг Microsoft корпорацияси амалга оширган турли харидлари билан машҳур бўлмоқда. Масалан, у яқинда Mojang ўйин студиясини сотиб олди. Куни кеча эса, у дунёдаги энг йирик IT корпорацияси дастурчилар учун йирик ресурс ҳисобланган GitHub’ни харид қилди.
Bloomberg нашри ўз манбаларига таяниб ёзишича, Microsoft яқинда GitHub’ни харид қилгани ҳақида расман эълон қилади. GitHub ресурсидан дунёнинг миллионлаб дастурчилар фойдаланиб келишади.
ЎҚИНГ:Microsoft’нинг ОС Android’да ишлайдиган смартфонлари қандай бўлади?
Олди-сотти суммаси оз эмас, кўп эмас, нақ 5 миллиард доллар. Таққослаш учун, бундан уч йил аввал ушбу сервис атиги 2 миллиард долларга баҳоланган эди. Ҳозирча GitHub’ни нима қилади номаълум, аммо Microsoft ушбу ресурсни сотиб олдими, демак уни шунчаки ёпиб юбормаса керак.
Сўнгги пайтлари Microsoft ўз мақсадлари учун GitHub’дан фаол фойдаланмоқда. Шу боис ушбу хизматнинг харид қилиниши ҳеч кимни ажамлантирмаслиги лозим.
Шуни ҳам таъкидлаш жоизки, GitHub хизматидан ёлғиз Microsoft корпорацияси фойдаланмайди, балки бошқа кўплаб IT компаниялар ҳам фойдаланиб келишади. Улар орасида Google, Samsung, Xiaomi ва бошқа кўплаб компаниялар бор. Сатья Наделла Microsoft раҳбари бўлгандан кейин, корпорация Windows 10 платформасига тобеъликдан халос бўлишга уриниб келади.
ЎҚИНГ:Microsoft’дан миш-мишлар: Xbox консолининг бир йўла икки версияси тайёрланмоқда
Шу боис, мана неча йилдирки, IT компания крос-платформали лойиҳаларга умид боғламоқда. Чунки уларда кириш кодлари очиқ ва смартфонлар, планшетлар, компьютер ва ноутбукларда ҳам турли операцион тизимларда фойдаланиш мумкин. Корпорация GitHub’ни сотиб олгандан кейин, ушбу лойиҳаларга янада кўпроқ дастурчиларни жалб этишни кўзламоқда. Улар кейинчалик корпорацияда доимий асосда ишлай бошлайди.
