Microsoft ҳақида қизиқарли 12 факт

Microsoft ҳақида қизиқарли 12 факт

Microsoft'нинг Windows'ини беш бармоғингиздек биласиз, лекин компаниянинг ўзи ҳақида нималардан хабардорсиз? Ўйланиб қолдингиз-а? Ҳечқиси йўқ. Беш дақиқадан сўнг бу саволга жавоб бера оладиган бўласиз. Гапни ортиқча чўзмаймиз. Бошладик!

1. MS-DOS'ни Microsoft яратмаган.
1980 йилда Seattle Computer Products 86-DOC номи остида сотилган Quick and Dirty операцион тизимни яратди. Microsoft эса 86-DOS'нинг лицензиясини сотиб олган ва кўп сонли тузатиш ишларидан сўнг уни қайта номлаган.

2. Microsoft кўп маротаба судга тортилган.
Сўнгги ўн йилликлардаги бу можароларнинг катта қисми эса монополия сиёсатига боғлиқ.

3. Билл Гейтс Microsoft'ни яратиш учун Гарварддаги ўқишини ташлаган.Корпорация бош директори Стевен Баллмер эса Гарвардни тугатган, аммо Microsoft'га қўшилиш учун Стенфорд университетида давом этаётган аспирантурасидан воз кечган.

4. Microsoft бошида Micros-soft деб номланган. 1976 йилда эса чизиқча олиб ташланади. Microsoft сўзи microcomputer (микрокомпютер) ва software (дастурий таъминот) сўзларининг йиғиндисидан ҳосил бўлган.

5. Windows эса бошида Interface Manager деб аталган.
Яхшиямки, маркетинг бўлими ушбу номдан воз кечган.

6. "Windows Vista чиқиши билан Microsoft “айниди“.
Ушбу гапни Windows Vista операцион тизими тақдим қилинган куни Microsoft'нинг собиқ вице-президенти Жим Аллчин айтган эди. Агар у Microsoft'да ишламаганда, Apple'нинг Mac'ини сотиб олган бўлар эди. Буни унинг ўзи айтган.7. 1994 йилда Windows учун биринчи вирус WinVer 1.4 пайдо бўлди.

8. Microsoft'нинг 20 мингдан ортиқ патентлари мавжуд.

9. Microsoft ўз логотипини 25 йил деганда биринчи марта янгилаган.
Янги логотип корпорация тарихидаги бешинчиси бўлиб, Метро интерфейси асосида тайёрланган.

10. Microsoft замонавий санъатнинг улкан тўпламига эгадир.
Корпорация коллекциясида беш мингдан ортиқ замонавий санъат асарлари, шу жумладан, расмлар, ҳайкаллар, фотосуратлар ва мультимедиа лойиҳалари жамланган.

11. Microsoft'даги муҳим воқеаларни M&M's (ширинлик компанияси) нишонлайди.12. Microsoft'га ишга кираётганларга интервьюда ғалати саволлар беришади.
"Нега канализация тешигининг қопқоғи думалоқ?" каби. Корпорациядаги суҳбат пайтида шаблон саволлар Microsoft томонидан ишлаб чиқарилмайдиган маҳсулотни лойиҳалаш тўғрисидаги сўров билан алмаштирилиб қолиши ҳам мумкин. Масалан, гап космонавтлар учун кофе қайнатгич ҳақида бўлиши мумкин. Бироқ, аҳмоқона кўринадиган бу амалиёт ижодий фикрлашга эга номзодларни аниқлашга имкон беради.

Ҳусан Қодиров тайёрлади.

ЎҚИНГ: Microsoft ишчилари қанча маош олади?