Microsoft кишиларни янги Windows’га ўтишга мажбурлашнинг антиқа йўлини топди

  •   DiMaX
  •  716
  •  15.07.2019 14:19

Microsoft кишиларни янги Windows’га ўтишга мажбурлашнинг антиқа йўлини топди

Кўпчилигимиз ўз компьютер ва ноутбукларимизда Windows операцион тизимини ишлатамиз. Аммо аксарият фойдаланувчиларнинг эски талқиндаги тизимда қолаётгани Microsoft корпорациясига ёқмаяпти.

ЎҚИНГ: Windows 7 ҳамда Windows XP’да жиддий хавф бор – тезда янгилаб олинг!

Компания эски версиялардаги компьютерлар эгаларини янги – Windows 10 тизимига ўтказишга имкон қадар ҳаракат қиляпти. Microsoft бу йўлда ҳатто ўзгача йўл тутишдан ҳам тап тортмаяпти – у Windows 7 ва ундан аввалги талқинларда айрим лойиҳаларни тўхтатяпти.

Microsoft расмий сайтида маълум қилишича, эски версиялардаги операцион тизимларда яқинда қуйидаги лойиҳалар ишламай қолади:

  1. Интернет-нарда (Internet Backgammon)
  2. Интернет-шашка (Internet Checkers)
  3. Интернет-қарға (Internet Spades)
  4. Интернет-юрак (Internet Hearts)
  5. Интернет-реверси (Internet Reversi)
  6. MSN Go

Ушбу иловаларнинг тўхтатилиш муддати компьютерга ўрнатилган Windows версиясига боғлиқ. Windows XP ҳамда Windows ME талқинларидаги қурилмаларда бу дастурлар шу йилнинг 31 июлиданоқ ишламай қолади. Windows 7 фойдаланувчилари учун эса бироз муҳлат берилган – улар ушбу дастурлар билан 2020 йилнинг 22 январида хайрлашишади. Шу муносабат билан, мазкур иловалардан фойдаланишни истаганлар операцион тизимнинг янги талқинига ўтишлари тавсия этилмоқда.

ЎҚИНГ: Windows 10’га қарши Windows 7: қай бири хавфсизроқ?

Сайт янгиликларидан доимий хабардор бўлиш учун Телеграм каналимизга қўшилинг!