Microsoft кутилмаганда Windows 1.11’ни тақдим этди! (+видео)
Бундан бир ҳафта аввал Microsoft компанияси буткул янгиланган Windows 1.0 операцион тизимини намойиш этишини эълон қилганди. Ўшанда кўпчилик буни Netflix компаниясининг Stranger Things («Ғалати нарсалар») сериали учинчи мавсумининг рекламаси дея тахмин қилганди.
ЎҚИНГ: Microsoft компанияси 50 миллиондан зиёд Windows 10 фойдаланувчиларини огоҳлантирди
Айтиш керакки, 1985 йили тақдим этилган Windows 1.0 ҳатто операцион тизим даражасида ҳам бўлмасдан, MS-DOS учун устқурма тарзидаги дастурий таъминот эди.
Microsoft кеча чиндан ҳам шу тақдимотини ўтказди, аммо бу дастурий таъминот кутилганидан бошқачароқ бўлиб чиқди. Яъни, Windows 1.11 ҳам тўлақонли операцион тизим бўлмасдан, Stranger Things сериалининг реклама кампанияси доирасида ишлаб чиқилган илова экан.
Мана, қуйидаги видеода уни бирга томоша қиламиз:
Windows 1.11 дастурини Microsoft компаниясининг расмий онлайн-дўконидан юклаб олиш имкони мавжуд. Лекин у оригинал Windows 1.0 тизимида ишлаб кўрганларда ностальгик туйғуларни уйғотиши мумкин, холос. Қолганлар – янги авлод вакиллари эса унинг эскичалиги ва графикасидан ҳайратга тушишса ажабмас.
Дастурда классик Paint ва Terminal иловалари, шунингдек, янги эксклюзив контент ҳам мавжуд.
ЎҚИНГ: Билл Гейтс ўзининг Microsoft раҳбари сифатидаги энг катта хатосини тан олди
