Microsoft’нинг ОС Android’да ишлайдиган смартфонлари қандай бўлади?

Чамаси, Microsoft корпорацияси  мижозларини нафақат тахланадиган Andromeda ёки Surfase Go планшети билан, балки янги операцион тизимда ишлайдиган смартфонлари билан ҳам ҳайратга солмоқчи.

Гап шундаки, компания ходими ОС Android бошқарувида ишлайдиган қурилма устида иш олиб борилаётгани ҳақида маълум қилган. Устига устак,  бу битта ёки иккита смартфон бўлмайди,  балки бутун бошли линейка бўларкан.

ЎҚИНГ:Android-смартфон эгаларини рекламадан Microsoft Edge браузери қутқаради

Гарчи,  Microsoft ҳар доим ўзининг операцион тизимидан фойдаланиб келган бўлса-да, ҳозирда «Microsoft-Android» ҳамкорлиги ҳам  фантастика эмас,  дейилади хабарда. Гап шундаки, ўтган йилнинг охирида компания ўзининг Windows 10 Mobile платформасидан  расман воз кечганди. Ўшанда Microsoft вице-президенти ва  Windows ишланмалари раҳбари Джо Бельфиор янги қурилмаларда ҳам, бошқаларида ҳам кенг миқёсли янгиланиш бўлмаслиги ҳақда маълум қилганди.

Windows 10 Mobile’дан фарқли равишда Android учун зарур бўлган иловалар ва хизматлар бор, Microsoft’нинг Google Play’да ҳам ўз  иловалари етарли.

ЎҚИНГ:Сунъий онг: Microsoft’нинг уйқусини қочирган чиплар

Нима бўлганда ҳам, буларнинг барчаси ҳали ўзининг расман тасдиғини топганича йўқ. Демак, янгиликни  Microsoft’нинг ўзи тасдиқлашини кутиб қоламиз.