Microsoft ноёб Surface Arc Mouse “сичқонча”сини тақдим қилди

Microsoft ноёб Surface Arc Mouse “сичқонча”сини тақдим қилди

Microsoft компанияси 2 май куни Windows 10 S – фақатгина Windows Store платформасидаги иловаларни қўллаб-қувватлайдиган янги операцион платформа бошқарувида ишлайдиган Surface Laptop ноутбуки билан бирга, кўчма компютер дизайнига мос ихчам ва қайишқоқ Surface Arc Mouse аксессуарини ҳам тақдим қилди.

Microsoft’нинг маълум қилишича, Surface Arc сичқончаси «юпқа, енгил ва доимо саёҳатга тайёр». Қурилма ноутбук сумкасига тушаётганида сип-силлиқ шаклда бўлса, фойдаланганда уни осонлик билан кафтнинг шаклида букиш мумкин. Ана шунда у анъанавий сичқончани эслатади ва фойдаланишга қулай бўлади.

Arc оиласига кирувчи бошқа сичқончалар каби, янги манипулятор компютер билан Bluetooth 4.0 интерфейси орқали “тиллашади”.

Қуйидаги қисқа видеода акс этишича, гаджет моддий тугмалардан холи дизайнда ишланган ва унинг олд қисмида сенсор панел мавжуд. Шу панел орқали компютерга буйруқ бериш мумкин.

Surface Arc Mouse’нинг ўлчамлари: 131 х 55 х 14 мм., вазни батареяси билан 82 грамм.

Surface Arc Mouse’нинг нархи 79,99 доллар. Surface Laptop каби у ҳам уч рангли талқинда ишлаб чиқарилмоқда.

Terabayt.uz сайтининг видеолари: Youtube'даги каналимизда!