Microsoft ўзининг янги қурилмаларини тақдим этди
Кеча Microsoft компанияси учта янги Microsoft Surface компьютерлари, Windows 11 учун янги хусусиятлар ҳамда янги Audio Dock динамикларини тақдим этди.
Бу ерда энг қизиқ гаджет Surface 9 Pro ҳисобланади, чунки у ARM'га асосланган чип ҳамда Intel процессорига эга бўлди. Ушбу қурилма ёрдамида Microsoft Windows 11 тизимининг ARM'ни қўллаб-қувватлашини мустаҳкамламоқда, бу эса Windows 11'да ARM учун иловаларни ишга туширишда юзага келиши мумкин бўлган барча шубҳаларни йўқ қилмоқда.
Surface Студио 2 Plus компьютери эса 2018 йилда тақдим этилган Studio 2 моделининг янгиланган версияси ҳисобланади. Унинг техник кўрсаткичлари яхшиланган, янада кўпроқ Thunderbolt 4 портлари ўрнатилган, шунингдек, график унумдорлиги оширилган.
Учинчи қурилма - Surface Laptop 5 ноутбукининг техник кўрсаткичлари ҳам яхшиланди. Энди ноутбукни кўпроқ рангдаги турлари бор. 13.5 дюйм ҳажмдаги модель эса алкантарали клавиатурага эга.
Surface Pro 9
Бу йил Surface Pro 9 модели сезиларли даражада такомиллаштирилди. Қурилма ARM чипи ҳамда Intel процессорига асосланган вариантларда тақдим этилди. Шунингдек, гаджет янги рангларда ҳам намоён бўлди. Type Cover клавиатураси ҳам энди планшет рангига мос келади. ARM вариантли планшет Qualcomm SQ3 чипи билан жиҳозланган бўлиб, у 5G тармоғини қўллаб-қувватлайди.
Иккала вариантдаги қурилма Bluetooth 5.1 ҳамда Wi-Fi 6E симсиз боғланишларга эга. Qualcomm чипига эга версия кўпроқ симсиз боғланишларга эга бўлиб, у GPS, GLONASS, Galileo ва Beidou жойлашишни аниқлаш тизимлари, nanoSIM ҳамда eSIM, Sub-6 GHz/mmWave 5G (mmWave фақат АҚШда), шунингдек, LTE тармоғини қўллаб-қувватлайди.
Қурилмага 120 гертс частотада ишловчи 13 дюймли PixelSense Flow дисплейи ўрнатилган. Дисплей Surface Slim Pen 2 стилусини қўллаб-қувватлайди.
Intel процессори эга модель 12-авлод Intel Core i5-1235U ёки Core i7-1255U билан жиҳозланган. Хотира тури 8/128ГБ'дан бошланади. Qualcomm чипли модель эса нейрон ҳисоблаш бирлигига (NPU) эга бўлиб, у селфи камера учун автоматик рамклаш, Супер резолюция ҳамда шовқинни камайтириш функцияларини тақдим этади.
Аккумулятор автономлиги ҳам икки версияда турлича. Intel процессорли модель тўлиқ қувват билан 15.5 соат ишлаб бериши мумкин, Qualcomm версияда эса бу кўрсаткич 19 соатни ташкил этади. Ушбу модель иккита Thunderbolt 3.2 порти, Intel процессорли модель эса иккита Thunderbolt 4 портига эга.
Intel процессорли модель 8/16/32ГБ LPDDR5 тезкор ҳамда 1ТБ гача бўлган доимий хотирани қўллаб-қувватлайди. Qualcomm чипли модель эса 8/16ГБ LPDDR4X тезкор хотира ҳамда 512ГБ гача бўлган доимий хотирага эга.
Қурилманинг бошланғич нархи қуйидагича:
Surface Pro 9 (Intel Core i5) - 999 доллар
Surface Pro 9 (Intel Core i7) - 1599 доллар
Surface Pro 9 (Qualcomm SQ3) - 1299 доллар.
Қурилма учун мўлжалланган Type Cover клавиатурасининг нархи 279 долларни ташкил қилади.
Surface Studio 2 Plus
Studio серияда Microsoft охирги марта 2018 йилда Studio 2 компьютерини тақдим этган эди. Янги Surface Studio 2 Plus модели эса ташқи кўринишидан аввалги моделга ўхшайди. Асосий ўзгаришлар қурилманинг ички жиҳозларида кузатилган.
Ушбу қурилма 11-авлод Intel Core i7 -11370H процессори ҳамда 6ГБ хотирага эга Nvidia GeForce RTX3060 видео картасининг мобил версияси билан жиҳозланган. Қурилмага 1ТБ доимий хотира ҳамда 32ГБ DDR4 RAM картаси ўрнатилган.
Компьютер 28 дюймли PixelSense дисплейига эга бўлиб, у Dolby Vision ва Dolby Atmos функцияларни қўллаб-қувватлайди. Қурилма учта 4K дисплейни қўллаб-қувватловчи учта USB-C Thunderbolt 4, иккита USB-A ҳамда биттадан 3.5 мм аудио жек ва Ethernet портларига эга.
Surface Studio 2 Plus компьютери Surface Pen стилуси, Surface клавиатураси ҳамда Surface сичқончаси билан бирга сотилади. Унинг нархи 4499 долларни ташкил қилади.
Surface Laptop 5
Ушбу ноутбукдаги асосий ўзгаришлар унинг процессорида кузатилган. 13.5 дюймли модель Intel Core i5-1235U ёки Intel Core i7-1255U процессорига эга. 15 дюймли моделнинг эса фақат Core i7-1255U процессорига эга тури тақдим этилди холос. Барча моделлар 16/32ГБ LPDDR5X тезкор хотира ҳамда 1ТБ гача бўлган доимий хотира билан жиҳозланган.
Кунлик оддий фойдаланишда 13.5 дюймли модель 18 соатгача, 15 дюймли модель эса 17 соатгача ишлаб беради. Ноутбукининг дисплейини Gorilla Glass 5 ойнаси ҳимоялаб туради (Алкантарали моделда Gorilla Glass 3).
Янги Surface ноутбуки биттадан USB-C Thunderbolt 4, USB-А, 3.5 мм аудио жек ҳамда Surface Connect портларига эга.
Ушбу ноутбукнинг нархи қуйидагича:
Surface Laptop 5 (13.5 дюйм, 8/256ГБ) - 999 доллар
Surface Laptop 5 (15 дюйм 8/256ГБ) - 1299 доллар.
Барча Microsoft Surface компьютерлари 25 октябрдан сотувга чиқади.
