Microsoft Хитойда Apple раҳбари Тим Кукни мот қилди
Apple раҳбари Тим Кук сўнгги вақтларда қайта ва қайта Surface планшетларини танқид қилиб, бир гал уни тостер ва музлаткичга қиёслаган эди. Бахтга қарши, Хитойда ўтказилган жаҳондаги глобаллашув мавзуидаги форумда иштирок этган Тим Кукка форум ҳомийси бўлган Microsoft компанияси яп-янги Surface Pro 4 планшетини совға қилган. Microsoft қарори замирида “танқид қилишдан аввал, бизнинг қурилмадан фойдаланиб кўр” деган мазмун ётибди. Шу тахлит, Тимнинг норозиликларига чек қўйилган.
Microsoft ушбу гибрид планшет билан бирга компания томонидан ишлаб чиқилаётган HoloLens — тўлдирилган воқелик кўзойнагининг намунавий нусхасини ҳам тақдим қилган эди. Келажакда Microsoft ва Apple ўртасида тўлдирилган воқелик технологиясини ривожлантириш бўйича қизғин рақобат келиб чиқиши кутилмоқда.
Хитойда ўтган форумда Тим Кук глобаллашув даврида маълумотларни ҳимоя қилишга оид маъруза билан иштирок этиб, глобаллашув жаҳон учун улкан имконият эканини, аммо унинг фойдаси мамлакатлар ўртасида тенг тақсимланмаслигини айтиб ўтган.
