Microsoft яна Windows 10’ни «майиб» қилувчи янгиланиш тарқатди. Аммо бу муаммонинг ечими бор!

  •   DiMaX
  •  612
  •  15.10.2018 11:33

Microsoft яна Windows 10’ни «майиб» қилувчи янгиланиш тарқатди. Аммо бу муаммонинг ечими бор!

Оммабоп Windows 10 операцион тизими учун октябрь ойи бошида чиқарилган янгиланиш миллионлаб фойдаланувчиларнинг компьютерлардаги жилд ва файлларни ўчириб юборганди. Оқибатда Microsoft компанияси жамланма рақами 1809 бўлган ушбу апдейтни тарқатишни тўхтатиб, муаммони ҳал этишга киришган.

ЎҚИНГ: Microsoft ўз хатосини тан олиб, Windows 10 янгиланишини тўхтатди

Куни кеча Microsoft мазкур хатоликни бартараф этиб, Windows 10 учун навбатдаги янгиланишни тарқата бошлаганди. Буни қарангки, унда яна янги бошоғриқлар чиқиб қолди. Яъни, айрим моделлардаги компьютер ва ноутбукларда у WDF_VIOLATION деб номланган хатолик сабабли кўк экран ҳолатини юзага келтираётир. Буни компьютерчилар «синий экран смерти» деб ҳам аташади.

Аниқланишича, мазкур муаммо C:\Windows\System32\drivers\HpqKbFiltr.sys манзилида жойлашган клавиатура драйвери билан боғлиқ. Microsoft компанияси бу муаммодан хабар топиб, бу апдейтни тарқатишни ҳам вақтинча тўхтатиб турибди. Хатолик тузатилгач, уни қайтадан тарқатишни режалаштирган.

ЎҚИНГ: Қандай қилиб «Синий экран смерти» (BSOD) муаммосидан қутулиш мумкин?

Агарда янгиланиш сабабли сизнинг ҳам компьютерингиз ёки ноутбукингизда ушбу муаммо учраган бўлса, уни бартараф этиш йўли бор:

Тизимни қайта тиклаш саҳифасида «Кенгайтирилган опциялар» («Расширенные опции»), «Муаммолар ечими» («Решение проблем») бандларини танланг ва буйруқлар қаторини очинг. Кейин эса у ерда қуйидаги буйруқни киритинг:

c:

cd c:\windows\system32\drivers

ren HpqKbFiltr.sys HpqKbFiltr.sys_old

Энди компьютерни оддий режимда ўчириб-ёқинг – у BSOD’сиз, одатдагидек ёқилиши керак.

Агарда бунақа муаммолар сизни бошқа безовта қилмаслигини истасангиз, автоматик янгиланишларни ўчириш йўли ҳам бор.

ЎҚИНГ: Windows 10’нинг автоматик янгиланишини осонгина ўчириб, мегабайтлар ва ресурсларни тежаймиз!

Хабарларни тез ва осон ўқиш учун Андроид иловамизни сақлаб олинг.