Microsoft янги консоли – Xbox Series X ва геймпадини тақдим этиб, кулгига қолди (+видеолар ва мемлар)

  •   DiMaX
  •  1290
  •  16.12.2019 15:57

Microsoft янги консоли – Xbox Series X ва геймпадини тақдим этиб, кулгига қолди (+видеолар ва мемлар)

Куни кеча бўлиб ўтган йиллик The Game Awards соврини тақдимотида Microsoft корпорацияси янги авлод ўйин приставкасини намойиш қилди. Xbox Series X номини олган бу қурилма ўта кутилмаган дизайнга эга бўлиб чиқди.

ЎҚИНГ: The Game Awards 2019’да кўрсатилган 31 та энг қизиқ видео

Мазкур қурилмани горизонталига ҳам, вертикал ҳолатда ҳам қўйиб ишлатиш мумкин. Xbox бўлими бошлиғи Фил Спенсер сўзларига кўра, янги консол One X моделидан нақ тўрт карра қудратли!

Келинг, Xbox Series X’нинг расмий трейлерини томоша қиламиз:

Хабар қилинишича, Xbox Series X девайси Radeon RDNA ҳамда AMD Zen 2 кастом архитектурасини қўллайди. NVMe турига мансуб ички хотира ўйинларнинг юкланишини тезлаштиради. Консол 8K форматида, сониясига 120 кадр частотали экранлар билан билан ишлай олиши айтилмоқда.

ЎҚИНГ: «Терминатор»даги роботнинг бош суяги қўшилган Xbox One X чиқди, уни сиз ҳам текинга олишингиз мумкин!

Шу билан бирга, компания янги приставкасида Hellblade 2 ўйинини ҳам қўйиб кўрсатди. Ninja Theory студияси уни айнан шу янги авлод консоли учун ишлаб чиққан:

Гарчи дизайнини тўлиқ намойиш қилган бўлса-да, Microsoft ҳозирча Xbox Series X график тезлатгичининг хусусиятларини сир тутмоқда. Шунга қарамай, GameSpot сайтига берган интервьюсида Фил Спенсернинг таъкидлашича, Helblade 2 намойишида қўлланган графика консолда реал вақт режимида ишловчи ўйин движогида қилинган. «Биз Xbox One’ни тубдан янгилашга қарор қилганмиз. Шу тариқа, Series X график процессори Xbox One’никидан саккиз бараварга, One X’никидан эса икки каррага қудратлидир», деган у.

ЎҚИНГ: Xbox ўйинларини энди смартфон ва планшетда ўйнай оласиз!

Бундан ташқари, Microsoft ушбу маросимда ўзининг янги геймпадини ҳам кўрсатди. Спенсернинг таъкидлашича, унинг ўлчами ва шакли яхшиланиб, кўпчиликка мос ҳолга келтирилган. Шунингдек, ўйин жараёнида скриншотлар олиш ҳамда видеороликлар яратишни осонлаштириш мақсадида унга янги – Share тугмачаси қўшилган.

Янгиланган контроллер Xbox Series X жамланмасига киритилади; у яна Xbox One приставкасига ҳамда Windows 10 тизимли компьютерларга ҳам тушади.

ЎҚИНГ: Йилнинг энг зўр ўйинлари тақдирланди: The Game Awards 2019 (+видеолар)

Расмий тақдимотидан кейин Xbox Series X дизайни сабабли кўплаб масхараларга сабаб бўлди. Интернетда уни турли бошқа нарсаларга ўхшатиб мемлар ясаб тарқатишмоқда:

Xbox Series X консоли Auto Low Latency Mode (ALLM) ҳамда Dynamic Latency Input (DLI) режимларини қўллаб-қувватлайди ва шу сабабли тарихда энг тезкор приставка бўлиши айтилмоқда. Microsoft ҳозирча унинг нархини ва бозорга чиқарилиш вақтини маълум қилмаган.

ЎҚИНГ: Ўн йилликнинг энг зўр ўйинлари иккита рейтингда!