Microsoft'дан қурилмаларингиз учун ҳимоя воситаси

Microsoft компанияси ўзининг Microsoft Defender номли иловасини тўртта асосий платформалар учун чиқарди. Microsoft 365 бир қисми сифатида мавжуд бўлган хизмат қурилмлар учун онлайн ва маҳаллий таҳдидлардан ҳимоя таклиф қилади.

Windows Defender (ҳозирда Windows Security'га ўзгарган) дан фарқли равишда Microsoft  Defender иловаси хавфсизлик эҳтиёжларингиз учун бир марталик ечим билан таъминлайди. Windows ва macOS операцион тизимлари Microsoft  Defender аввалдан ўрнатилган ёки учинчи томон антивируси билан бирга ишлайди, шу билан бирга интернетдаги фишинг ҳужумларидан ҳимоя қилади, шунингдек, илова оʻрнатилган бошқа қурилмаларингизнинг хавфсизлик ҳолатини коʻрсатади ва у ҳақида огоҳлантиришлар беради.

Android'да эса Microsoft Defender ўзининг антивируси ва ўрнатилган ва янги юклаб олинган иловаларни зарарли дастурлар учун сканерлаш хусусиятига эга, шу билан бирга, у компютер иловалари каби веб-ҳимоя билан ҳам таъминлайди. iOS'га келганда илова энг кам фойдали ҳисобланади, чунки у фақат веб-ҳимояни ўз ичига олади, лекин унда ҳам бошқа қурилмаларингизнинг хавфсизлик ҳолатини кўриб туришингиз мумкин.

Microsoft Defender'ни барча Windows, macOS, Android ва iOS учун бепул юклаб олиш мумкин, лекин у Microsoft 365 обунасини талаб қилади.

ЎҚИНГ: Ўзбекистондаги кибержиноятчилик ҳолати ҳақида маълумот берди