Миллионлар кутаётган Nokia 5.1 Plus умидни пучга чиқаради
Nokia X6 смартфонининг Хитойдаги муваффақиятидан илҳом олган Финляндиянинг HMD Global компанияси мазкур моделнинг халқаро талқинини ҳам тайёрлашга қарор қилган эди. "Nokia 5.1 Plus" деб номланувчи мазкур талқин кўпчиликни хафа қиладиган кўринади.
2018 йилнинг 17 июнида 3C сертификатлаштириш ресурсида мазкур смартфон рўйхатдан ўтди. Унда смартфонга хос айрим жиҳатлар эълон қилинди.
Расмий маълумотлар базасида келтирилишича, Nokia X6 ҳамда Nokia 5.1 Plus – булар бир хил смартфонлар эмас экан. HMD Global иккинчи девайсга "TA-1109" модел рақамини берган ва бу девайс MediaTek компаниясининг процессорига эга бўлади. Ҳа! Бу миллионларнинг умидини пучга чиқаради.
Nokia X6 модели айни пайтда Хитойда уч талқинда сотилмоқда: бошланғич модификация 200 АҚШ доллари, энг юқори талқин эса – 265 АҚШ долларидан сотилмоқда. Nokia X6 девайси 8 ядроли Qualcomm Snapdragon 636 процессорига эга бўлган. Унинг тезкор хотираси 4/6 гигабайтли, доимий хотира учун 32 ёки 64 гигабайтли флеш-карта ўрнатилган. Маълумот ҳажми кўп бўладиган бўлса, microSD орқали хотирани катталаштириш мумкин. Бунинг учун SIM карта бўлмачаларидан бирини "фидо қилиш" керак бўлади.
Миллионлаб харидорлар кутаётган Nokia 5.1 Plus смартфони кўринишидан премиум-дизайнли ҳамда унинг кўринишини iPhone X услубида ишланган. Қўш сенсорли бош камера фаолияти эса тайванлик MediaTek корпорациясининг чипсетига боғлиқ. Ҳозирча девайсга қайси моделдаги чипнинг ўрнатилиши маълум қилинмаган. Аксарият фойдаланувчилар эса бу бренднинг чиплари ўрнатилган смартфон харид қилишдан тийиладилар.
Эҳтимол, гаджет яқинда тақдим қилинган Helio P22 процессорига эга бўлар. Ушбу чипсет жорий йилнинг май ойида тақдим қилинган эди. Ўрта имкониятли мобил қурилмаларга мўлжалланган чипсетга 8 та Cortex-A53 ядролари ўрнатилган. Маълумотларни 12 нанометрли техник жараёнда қайта ишлайдиган мазкур процессорнинг частота интервали 2.0 Ггц. Яъни, унинг имкониятлари бизга яхши таниш Snapdragon 625 ҳамда Kirin 659 каби рақиблариники билан бир хил.
Ишлаб чиқарувчининг маълум қилишича, авваллари арзон смартфонларда 28 нанометрли процессорлардан фойдаланилар эди. Янги ҳамёнбоплар эса 12 нанометрли чипга эга бўлишган. Натижада, уларнинг самарали ишлаши 48% га ошган.
Ўқинг: Huawei P20 Pro: "Малика"даги уч кўзли “даҳшат"!
Шу вақтга қадар маълум хабарларга кўра, Nokia 5.1 Plus смартфони 5,7 дюймли, IPS матрицали ҳамда Full HD+ сиғимли экран билан таъминланади. Унда замонавий USB Type-C порти, шунингдек 12 мегапикселли қўш сенсорлардан иборат бош камера ўрнатилади.
Девайснинг шишадан ишланган корпус ўлчамлари: 149,5 × 71,9 × 8 мм.
Яна бир яхши жиҳатлар қаторида унинг Android 8.1 Oreo операцион тизимида ишлаши, Google компаниясидан дастурий янгиланишларни мунтазам олиб туриши айтилмоқда.
