Миш-мишлар якунланди. Apple'нинг узоқ кутилган тақдимоти 7 сентабр куни бўлиб ўтади!

Миш-мишлар якунланди. Apple'нинг узоқ кутилган тақдимоти 7 сентабр куни бўлиб ўтади!

Apple ўзининг навбатдаги янги маҳсулотларини келаётган сентабр ойининг еттинчи санасида ўтказиладиган тадбирда тақдим қилади, бу ҳақида компания ўзининг веб-сайтида эълон қилди. "Far Out", ўзбекчасига "Узоқда" деб номланувчи тадбир Apple'нинг Купертинодаги шаҳарчасида жойлашган Стив Жобс театрида ўтказилади. Айтиш керакки, бу компаниянинг пандемиядан кейин ушбу театрда ўтказаётган илк катта маҳсулот тақдимоти бўлиб, у ҳам офлайн, ҳам онлайн бўлади.

Узоқ кутилган тадбирда компаниянинг анчадан бери миш-миш қилиб келинаётган янги авлод смартфонлари, iPhone 14 қатори, шунингдек, Watch 8 ақлли соатлари серияси ҳам тақдим қилиниши кутилмоқда. Узунқулоқ хабарларига кўра, бу йилги iPhone қатори тўртта: 6.1 дюймли iPhone 14 ва iPhone 14 Pro, 6.7 дюймли iPhone 14 Мах (ёки Plus) ва iPhone 14 Pro Мах моделларини ўз ичига олади. Катта эҳтимол билан Mini модел чиқарилмаслиги мумкин, лекин сўнгги янгиликлар кўра, компания уни сақлаб қолиши ҳам мумкин.

Энг катта ўзгаришлар Pro моделдаги iPhone'ларда бўлиб, улардан бири олд экрандаги катта қора тирқишнинг, селфи камера учун юмалоқ тешик, Face ID сенсорлари учун эса таблетка шаклидаги кесмага алиштирилишидир. Шу билан бирга, Pro моделлар iOS 16 билан ҳар доим ёниқ турувчи дисплей (AOD) хусусиятига эга бўлиши айтилмоқда. Бундан ташқари Apple'нинг А сериясидаги чипсетлари биринчи марта Pro моделлар учун эксклюзив қилиши мумкин. Камераларга келадиган бўлсак, Pro моделлар 48 мегапикселлик сенсор билан чиқарилиши хабар қилиган.

Apple смартсоатлари ҳақида гапирадиган бўлсак, Watch 8 серияси тана ҳароратинини ўлчай оладиган сенсор ва барқарор версиядаги WatchOS 9 билан чиқарилиши кутилмоқда. Шунингдек, компания яхшиланган, тезкор чипсетга эга иккинчи авлод Watch SE модели ва каттароқ экран, батарея билан экстремал спортчилар учун янги Apple Watch Pro моделини ҳам тақдим қилиши мумкин. 

Бундан ташқари, янги авлод AirPods Pro ҳам эълон қилишини миш-миш қилинган.

Тақдимотни исталган жойда жонли равишда компаниянинг расмий веб-сайти ёки YouTube саҳифасида кўриш мумкин бўлади. Тадбир Тошкент вақти 22:00 да бошланади.

ЎҚИНГ: Қуввати тугаса ҳам қўнғироқ қилиш ёки хабар ёзиш имкониятига эга смартфон тақдим этилади

Хабарларни тез ва осон ўқиш учун Андроид иловамизни сақлаб олинг.