MIUI 11 тизимли Mi Max 4 фаблети атиги 250 доллардан сотувга чиқади!

Xiaomi компаниясининг Mi Max туркуми – катта дисплейга эга, лекин ҳамёнбоп смартфонлардир. Ушбу сериядаги Mi Max 3 модели чиққач, унинг «Pro» версияси ҳам кутилаётган эди, лекин...

ЎҚИНГ: Xiaomi Mi Max 3 Pro ҳақидаги расмий хабар миллионлаб кишиларнинг ҳафсаласини пир қилди

Интернетда тарқалаётган янги маълумотларга кўра, Xiaomi энди Mi Max 4 устида ишламоқда. Инсайдерлар унинг жорий йил иккинчи чорагида савдога чиқарилишини айтишмоқда. Тўғри, уни апрелдаёқ кутишимиз нотўғри, аммо июннинг охиригача бозорга тақдим этилса керак.

Энг қизиғи эса унинг нархидир: Mi Max 4’нинг тезкор хотираси 4 ГБ, доимий хотираси эса 64 ГБ бўлган бошланғич конфигурациядаги варианти 250 долларга баҳоланади! Унинг бошқа вариантлари бундан қимматроқ бўлса-да, барибир Xiaomi ўз маҳсулотларига «инсоф доирасида» нарх белгилаши маълум.

ЎҚИНГ: Mi Max 4 – ҳали тақдим этилмаган «мобил кинотеатр»: сурати, хусусиятлари, тақдимот вақти ва нархи маълум!

Мазкур смартфоннинг экрани диагоналига 7,2 дюймлик бўлиб, устига бешинчи авлод Corning Gorilla Glass ҳимоя шишаси ётқизилади. Унинг дисплейига бармоқ изи сканери ҳам интеграция қилинади.

Xiaomi Mi Max 4 моделининг «электрон юраги» сифатида эса Qualcomm Snapdragon 720 процессори хизмат қилади. Тасвирларни тезкорлик билан қайта ишлашда унга Adreno 616 график чипи кўмакка келади. Шунингдек, кейинги пайтда смартфонсозликда урфга кираётган 48 мегапикселлик оптик сенсорни Xiaomi ушбу моделида ҳам қўллайди.

Фаблетнинг 5800 мА/соатлик аккумуляторини 18 ваттлик тезкор зарядлаш технологиясини қўллаб-қувватлайди. Xiaomi ушбу моделини Android 9.0 Pie операцион тизим талқини базасида ишлаб чиқилган MIUI 11 график қобиғи билан тақдим этади.

ЎҚИНГ: БУНАҚАСИ БЎЛМАГАН: Xiaomi экрани бир неча «тирқиш»ли смартфонлар тайёрлаяпти! (+фото)