MIUI 12 тақдимот куниёқ тарқатила бошлайди: дастлаб янгиланувчи смартфонлар рўйхати чиқди!

Xiaomi корпорацияси 27 апрель куни MIUI 12 график қобиғи ҳамда Mi 10 Youth Edition русумли смартфони намойишига бағишланган конференция ўтказади. Бу қурилма Xiaomi Mi 10 Lite моделининг хитойча версияси бўлиши кутилмоқда, лекин айрим манбалар унинг фарқли эканлигини таъкидлаётир.

ЎҚИНГ: Xiaomi ёки Redmi смартфонингизга MIUI 12 келишини ҳозироқ текширишингиз мумкин!

«Хитойча Apple»нинг MIUI 12 график қобиғигача янгиланувчи смартфонларининг иккита рўйхатини чиқарган эдик. Кейинроқ эса мазкур апдейтни биринчилар қаторида қабул қилувчи смартфонлар рўйхати ҳам маълум бўлган.

Компания дастурий таъминот бўлими раҳбари Чжан Гоцюань (Zhang Guoquan) ўзининг Weibo-саҳифасида маълум қилишича, янги график қобиқ тақдимот кунининг ўзидаёқ тарқатила бошлайди!

Xiaomi ҳамда Redmi смартфонларининг қайси моделлари матбуот анжумани куниёқ MIUI 12’гача янгилана бошлашини топ-менежер айтмаган. Аммо унинг фақат Хитойдаги моделларга, шунда ҳам дастлабки тест версиясида тарқатилиши мантиққа мос.

ЎҚИНГ: Xiaomi ва Redmi смартфонлари эгаларини компания аллақачон MIUI 12 тестига таклиф этяпти!

Шундай бўлса-да, мазкур компания ҳақидаги ишончли маълумотлари билан танилган инсайдер – Xiaomishka ўз манбаларига таяниб, биринчи тўлқиндаёқ MIUI 12 талқинигача янгиланувчи смартфонларнинг «аниқ» рўйхатини эълон қилди.

Унга кўра, мазкур рўйхат қуйидагича:

1. Xiaomi Mi 10
2. Xiaomi Mi 10 Pro
3. Xiaomi Mi 9 Pro
4. Xiaomi Mi 9
5. Xiaomi Mi 9 SE
6. Xiaomi Mi 8 Transparent Explorer
7. Xiaomi Mi 8 Screen Fingerprint Edition
8. Xiaomi Mi 8
9. Xiaomi Mi Mix 3
10. Xiaomi Mi Mix 2s
11. Xiaomi Mi CC9 Pro
12. Xiaomi Mi CC9
13. Xiaomi Mi CC9e
14. Xiaomi Redmi K30 Pro
15. Xiaomi Redmi K30
16. Xiaomi Redmi K20 Pro
17. Xiaomi Redmi K20 Pro Premium Edition
18. Xiaomi Redmi K20
19. Xiaomi Redmi Note 8 Pro
20. Xiaomi Redmi Note 8
21. Xiaomi Redmi Note 7 Pro
22. Xiaomi Redmi Note 7
23. Xiaomi Redmi 8
24. Xiaomi Redmi 8A
25. Xiaomi Redmi 7
26. Xiaomi Redmi 7A

Бошқа бир инсайдер – TheTechStar ҳам айнан мана шу рўйхат тўғри эканлигини тасдиқлаган. Бироқ ёдда тутишимиз керакки, буларнинг барчаси Хитой версияли моделларга тегишли; глобал версиялар учун янгиланишлар ҳали кейинроқ чиқади.

ЎҚИНГ: MIUI 12'га илк нигоҳ