MIUI 12'га илк нигоҳ
MIUI 12 қобиғининг илк тасвирлари MiSettings иловасининг бета талқини орқали ошкор қилинган кўринади.
Компания, одатда, ўз иловаларининг бета талқинини MIUI Жамияти форумларида эълон қилади. Анъанага мувофиқ, бир неча кун олдин форумга MiSettings APK'си жойланди (кейинчалик эса олиб ташланди). XDA-Developers сайти аъзоси эса чаққонлик билан илова скирншотларини олишга эришди. Тасвирлардан илова дизайни янгиланганини кўриш мумкин.
Қуйида ҳозирги талқиндаги ва MIUI 12'да ишловчи MiSettings иловаларининг скриншотларини ёнма-ён келтирамиз:
Асосий фарқ Янгиланиш частотаси менюсида. Ҳозирги интерфейсда 60Hz ёки 120Hz'дан бирини танлаш учун рўйхатли ойна очилади. Аммо MIUI 12'да эса иллустрацион ойна мавжуд экан.
Булар 2020 йилнинг учинчи чорагида чиқарилиши кутилаётган MIUI 12 интерфейсининг илк кўринишлари холос. Ўтган ой Xiaomi MIUI 11'нинг бета версияларини чиқаришни тўхтатди, бу эса MIUI 12'га навбат келди, деганидир. Тафсилотлар учун бизни кузатишда давом этинг.
ЎҚИНГ: Биринчилар қаторида MIUI 12’га янгиланувчи Xiaomi ва Redmi смартфонлари рўйхати
