2019 йилдан мобил алоқа хизматларига солиқ жорий қилинади. Абонент рақамидан фойдаланганлик учун тўлов ҳақи ойига 2000 сўм!
«Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга бюджет мўлжаллари тўғрисида»ги Президент қарори асосида акциз солиғи жорий этилмоқда.
Ҳужжатга кўра, мобил алоқа хизматлари учун акциз солиғи ставкаси кўрсатилган хизматларнинг умумий қийматидан 15 фоизни ташкил этади.
Бир вақтнинг ўзида мобил алоқа хизматларини кўрсатувчи юридик шахслар (уяли алоқа компаниялари) томонидан абонент рақамидан фойдаланганлик учун тўлов ҳақи ойига 2000 сўмга пасайтириляпти.
