Монополлиги боис Google компаниясини АҚШ ҳукумати судга берди
АҚШ Адлия вазирлиги ва 11 штати расмийлари Google техногиганти устидан судга даъво билан мурожаат қилди. Бу ҳақда Адлия вазири ўринбосари Жефф Розен журналистларга маълум қилди.
ЎҚИНГ: Хушхабар: Google ушбу оммабоп хизматини яна 24 та давлатда тақдим этмоқда
Аризачилар Google компаниясини қидирув бозорида ноқонуний монополияни яратишда ва қидирув хизматларида реклама беришда айблашди. Суд даъвогарлари Google’га нисбатан қўлланилишини талаб қиладиган потенциал санкцияларни кўрсатмайди, аммо Адлия вазирлигининг технология соҳаси бўйича катта маслаҳатчиси Раян Шорз ҳеч қандай вариантни истисно қилмаслигини, энг даҳшатли оқибатларга ишора қилганини айтди – масалан, компаниянинг бўлиниши. Ушбу параметрга адвокатлар ҳам рухсат беришади. Унинг сўзларига кўра, Google рақобатга зарар етказадиган барча ишлардан воз кечиши керак.
The Wall Street Journal суд даъвосини Қўшма Штатлардаги 20 йил ичидаги энг йирик монополияга қарши иш деб атади. Вазир ўринбосари Розен ушбу ишни иккита тарихий антимонопол иш билан таққослади – 1974 йилда АТ&Т телефон компаниясига қарши иш ва натижада компаниянинг тўққизта минтақавий операторларга бўлиниши ҳамда 1998 йилда Microsoft’га қарши олиб борилган иш, шундан сўнг Билл Гейтснинг компанияси худди шундай бўлинишдан қочди.
ЎҚИНГ: Facebook, Amazon, Apple ва Google компанияларини парчалашмоқчи!
Суд даъволарига кўра, Google эксклюзив ҳуқуқлар тўғрисидаги шартномалар орқали қидирув ва реклама соҳасида бозор монополиясини изламоқда. Масалан, компания ускуналарни ишлаб чиқарувчилар билан Google қидирувини қурилмаларига олдиндан ўрнатишни талаб қилиб, шартномалар тузди. Шу билан бирга, кўпинча Google хизматларини смартфон ёки компютердан ўчириб ташлашнинг иложи ёъқ эди. Хусусан, суд даъволари Google ва Apple ўртасидаги ҳамкорликка тегишли бўлиб, бу Google қидирув тизимини деярли Safari браузерида ўрнатилган ягона қидирув тизимига айлантирди.
Ишда яна қайд этилишича, Google эксклюзив ҳуқуқлар орқали Қўшма Штатлардаги барча қидирувларнинг тахминан 90 фоизини назорат қилади. Ва реклама берувчилардан компания йилига 40 миллиард доллар олади.
Google’га қарши монополияга қарши суд ишлари камдан-кам учрайди ва аҳамиятли, дейди Розен. Унга кўра, агар ҳозирда технология гигантининг олди олинмаса, у ҳолда бозор ҳеч қачон «навбатдаги Google» кўринмаслиги мумкин, чунки ҳозирги монополист рақибларнинг ривожланишига йўл қўймайди.
ЎҚИНГ: Google оммабоп сервисининг «дафн этилиш» вақтини эълон қилди
