Moto Z4 смартфонининг раcмий рендерлари эълон қилинди
Ўтган йили сотувга чиқарилган Moto Z3 смартфони флагманлик статусига эга бўла олмади. Сабаби, унга ўша вақтда энг актуал бўлиб улгурган Snapdragon 845 процессори ўрнига нисбатан эскироқ бўлган Snapdragon 835 ўрнатилди. Бу йил Moto Z3 билан ҳам шунга ўхшаш тарих такрорланиши мумкин. Бу гал хатто Qualcomm’нинг 800 линейкасидаги процессорлар ҳақида гап бўлиши ҳам мумкин эмас. Инсайдер Эван Блэсс томонидан тақдим қилинган, расмий рендер ҳам янги қурилманинг флагманликка даъво қилмаслигини билдириб турибди.
Айни дамдаги флагманлар иккитадан тўрттагача, ўртача учтадан камерага эга бўлган бўлса, Moto Z4’да асосий камера фақат битта модулдан иборат. Гап сўзларга қараганда бу – 48 мегапикселлик сенсор бўлиб, Quad Pixel технологияси ёрдамида 12 мегапикселлик сифатли тунги суратлар ола билади. Барибир, ҳеч қандай кенг бурчакли, оптик зумли ва ToF камералар Moto Z4 смартфонида бўлмайди.
Ҳарқалай, «томчисимон» кемтик олд панелда нисбатан кичик майдонни эгаллаган. Шу аснода смартфон бултурги моделга қараганда мукаммаллашган. Ва ниҳоят янги смартфон Moto Mods уланишини қўллаб қувватлайди ва USB-C порти ва қулоқчин учун стандарт тирқишга эга бўлган.
