Motorola: бир кунда Ҳиндистонда 100 минг дона Moto E3 Power сотилди

Motorola: бир кунда Ҳиндистонда 100 минг дона Moto E3 Power сотилди

Бундан бир неча кун олдин Ҳиндистонда савдоси бошланган Motorola’нинг янги  Moto E3 Power смартфони ҳақиқий хитга айланди. Бу ҳақда Motorola Mobility компаниясининг Ҳиндистондаги филиаси директори Амит Бони ўзининг Twitter’даги саҳифасида хабар берган.

Ҳиндистон бозорида 119 доллар турадиган Moto E3 Power кучли – 3500 мА/ст сиғимидаги батарея, 2 ГБ тезкор ва 16 ГБ доимий хотирага эга. Смартфон Android 6.0 Marshmallow дастурида ишлайди, иккита SIM-карта ишини қўллаб-қувватлайди. Унга 5 дюймли HD форматидаги дисплей, тўрт ядроли MediaTek MT6735P процессори, 8 МПли LED чақноққа эга асосий камера ва 5 МПли олд камера ўрнатилган.

Доимий хотирани microSD карта ёрдамида кенгайтириш мумкин. Moto E3 Power 4G (LTE) ва VoLTE технологияларида ишлайди. Смартфонда тезкор зарядлаш технологияси қўлланилган. Бундан ташқари, смартфон Wi-Fi 802.11 b/g/n, A-GPS, ва Bluetooth v4.0 каби модуллар билан ҳам таъминланган.

Terabayt.uz сайтининг видеолари: Youtube'даги каналимизда!