Motorola Edge 20'нинг рендерлари пайдо бўлди

Motorola Edge 20'нинг рендерлари пайдо бўлди

Motorola компанияси Edge 20 линейкаси устида ишламоқда. Хабар берилишича, мазкур линейка таркибига Edge 20, Edge 20 Pro ва Edge 20 Lite моделлари киради.

ЎҚИНГ: Motorola смартфонларининг махфий кодлари

Қурилмаларнинг биринчи иккитаси шу ой TENAA вебсайтида расм ва бир неча техник жиҳатлари билан кўриниш берганди. Бугун эса Motorola Edge 20'нинг глобал версияси сифатли рендерлари тарқалди.

Глобал версия Motorola Edge 20 6,7 дюймли дисплей ва ингичка ҳошияларга эга бўлади. Бироқ рендерларни сиздирган манбанинг таъкидлашича, ҳошиялар расмдагидан кўра қалинроқ бўлиши мумкин.

Экран аниқлиги FullHD+ бўлиб, 120Hz янгиланиш частотаси ва 32МП селфи камера учун тирқиш камерага эга бўлади. Орқа панелда эса 108МП, 16МП ва 8МП линзалардан иборат учталик камера модули жойлашган. Олдинги тарқалган маълумотлар 16МП бирлик ультракенг линзадан фойдаланиши, 8МП камера эса телефото линзадан фойдаланиб, 3х зум имкониятига эга бўлишини тасдиқлаган эди.

Қурилманинг ўнг томонида овоз назорати ва қувват тугмалари жойлашган. Бармоқ изи сканери ҳам қувват тугмасига ўрнатилган.

Пастки томондан эса USB-C порти, карнай, микрофон, SIM карта уяси ва иккиламчи микрофон жой олган. Смартфон 3.5 мм аудио жекка эга эмас, шунинг учун, уни зарядлаш пайти фақат симсиз қулоқчинлардан фойдаланиш мумкин бўлади.

Motorola Edge 20 Snapdragon 778G SoC'да ишлаб, 6/8ГБ тезкор ва 128/256ГБ доимий хотирага эга бўлади. Қурилма 8,9 мм (камера бўртмаси билан эса 11,6 мм) қалинликка эга бўлиб, 4,000 мАс аккумуляторда ишлайди.

ЎҚИНГ: Motorola Edge S тақдим этилди – яп-янги Snapdragon 870 процессорли илк флагман!