Motorola RAZR расман намойиш этилди – хусусиятлари ўртача, лекин қиммат «раскладушка»!

  •   DiMaX
  •  1406
  •  14.11.2019 12:12

Motorola RAZR расман намойиш этилди – хусусиятлари ўртача, лекин қиммат «раскладушка»!

Lenovo компанияга қарашли Motorola бренди ўзининг биринчи буклама смартфони – RAZR моделини тақдим қилди. Шу пайтгача тарқалган хабарларда уни Motorola RAZR 2019 ва Motorola RAZR V3 каби номлар билан ҳам атаб келишаётган эди.

ЎҚИНГ: Ярим йил кутилган смартфон айтилганидан нақ минг долларга қиммат нархда сотувга чиқяпти!

Мазкур қурилма қайишқоқ экранли классик дизайни билан ажралиб туради. RAZR аппарат таъминоти асосида Snapdragon 710 процессори ётади, у Adreno 616 график тезлатгичини ҳам ўз ичига олган. Замонавий «раскладушка»нинг тезкор хотираси 6, ички хотираси эса 128 гигабайт ҳажмга эга. Аккумуляторининг ток сиғими эса 2510 мА/соатга тенг.

Motorola RAZR иккита экранга эга: асосий – букилувчан дисплей диагоналига 6,2 дюймлик, томонлари ўзаро 21:9 нисбатли. OLED матрицали ушбу экраннинг тасвир аниқлиги 2142x876 пикселлик. Смартфоннинг ташқи томонида эса 2,69 дюймлик, 800x600 пикселлик қўшимча экран бор.

Замонавий трендларга эргашмаган ҳолда, Motorola ушбу девайсини якка модулли бош ва олд камералар билангина жиҳозлаган. Асосий камера сенсори 16 мегапикселлик бўлиб, апертураси f/1.7. Селфилар учун бўлса 5 мегапикселлик, f/2.2 апертурали датчик ўрнатилган.

Кўриб турганингиздек, Motorola RAZR техник хусусиятларига кўра флагман эмас, балки ўрта тоифали смартфонлар қаторида. Аммо унга нарх белгилашда компания сал ноинсофлик қилгандек – нақ 1499 АҚШ доллари!

Мана, ушбу смартфонга баағишлаб тайёрланган видеороликни томоша қиламиз:

Motorola бу маҳсулоти учун 26 декабрь куни олдиндан буюртма ола бошлайди. Дўконлар пештахталарига эса «раскладушка» ҳали 2020 йилнинг бошларидагина чиқади.

ЎҚИНГ: Oppo дунёдаги илк - ҳам букилувчан, ҳам камераси корпусдан чиқувчи смартфонни патентлади! (+Render)

Сайт янгиликларидан доимий хабардор бўлиш учун Телеграм каналимизга қўшилинг!