Motorola яна бир флагман смартфонни тақдим этди
Motorola Edge 30 серияси расман тақдим этилди. Сериянинг асосий модели Edge 30 Ultra бўлиб, бу ўтган ойда Хитой бозори учун чиқарилган Moto X30 Pro моделининг глобал версияси ҳисобланади.
Серияда яна Edge 30 Fusion ва Edge 30 Neo моделлари ҳам бор, аммо ушбу смартфонлар билан кейинги мақоламизда танишамиз.
Edge 30 Ultra модели 1/1.22 дюймли 200МП ISOCELL HP1 сенсори билан жиҳозланган. 16 пиксел биттага бирлашиб 2.56 микрон пиксел катталигини ҳосил қилади. Сенсор, шунингдек, 1.28 микрон индивидуал пикселлар билан 50МП резолюциядаги, 0.64 микрон пикселлар билан эса 200МП резолюциядаги кадрларни тақдим этади. Селфи камера резолюцияси 60 мегапиксел бўлиб, у f/1.9 диафрагмали линза ҳамда оптик стабилизацияга эга.
Смартфонга 144 гертсда ишловчи FullHD+ резолюциядаги 6.67 дюймли OLED дисплейи ўрнатилган. Максимал ёрқинлик даражаси 1250 нитни ташкил қилади. Қурилма Snapdragon 8+ Gen1 чипида ишлайди, 12/512ГБ - қурилманинг максимлар хотирага эга тури ҳисобланади.
Смартфондаги 4,610 мАс сиғимли аккумулятор 125 ваттда симли, 50 ваттда симсиз қувват олади. Motorola'нинг таъкидлашича, қурилма етти дақиқа зарядланса, унинг қуввати 12 соатга етади.
Motorola Edge 30 Ultra модели қора ва оқ рангларда бўлади. Унинг нархи 900 евродан бошланади.
