Мозийга қайтиб: Intellivision Amico ретро-консолини намойиш қилди

80- йилларда ўйин консоллари билан машҳур бўлган Intellivision компанияси  янги Amico ўйин приствкаси ҳақида маълум қилди. Аммо бу билан, компания худди Nintendo ва Sony компанияларига ўхшаб эски консолларини қайта чиқараётгани йўқ, балки мутлақо янги маҳсулотни таклиф этмоқда.

Intellivison Amico классик ўйинлар билан ҳам ишлайди, бироқ шу билан бирга, унга янги ўйинлар ҳам тушади. PlayStaiton Classic ва SNES Classic’лардан фарқли улароқ, бунда ўйин қайта ўрнатилмаган. Уларни алоҳида харид қилиш ёки юклаб олиш мумкин бўлади. Яна ишлаб чиқарувчиларнинг ваъда беришича, нафақат локал ўйинлар, балки интернет орқали мультиплеерли ўйин ўйнаса ҳам бўлади. Ўйинлар унчалик қиммат эмас, атиги 3-8 доллар туради.

ЎҚИНГ: Ўйин тамом, дўконни ёпинг: Nintendo эмуляторли сайтлар эгаларини судга бермоқчи

Приставканинг контроллерлари ноодатий. Улар кўпроқ пультга ўхшаб кетади. Шунингдек, катта бошқарув ғилдираги, бир нечта тугмаси ва рангли 3,5 дюмли синсор дисплейи бор.  Улар Bluetooth орқали консолга уланади ва симсиз Qi стандартида қувватлантирилади. Битта приставкада бир йўла 8 киши ўйнай олади, қўшимча контроллерлар ўрнида смартфонлардан фойдаланиш мумкин.

ЎҚИНГ: Ўйин консоллари қачон пайдо бўлган?

Intellivison Amico консолининг савдоси 2020 йил октябрда режалаштирилган. Унинг нархи 149 доллардан 179 долларгача бўлиши мумкин, дейилади ушбу хабарда.

ЎҚИНГ: Қарши олинг: Grasshopper – JavaScript’да дастурлашни ўргатувчи бепул ўйин!