Мудҳиш қотиллик кўчадан топилган флешка ёрдамида фош этилди!
Турли замонавий гаджетлар кишиларнинг ҳаётини сақлаб қолгани, шунингдек, қотилликларни аниқлашда ёрдам бергани ҳақида хабарлар учраб туради. Шу кунларда тарқалган янгиликка кўра, тасодифан топиб олинган флешка полициячиларга ёрдам берган.
ЎҚИНГ: Янги Зеландия террорчиси ўз ҳунарини видеоўйиндан ўрганган
Аляскадаги Анкоридж шаҳрида яшовчи аёл кўчада ётган флешкани топиб олган, унинг ичида 12 та видеоёзув ҳамда 39 та фотосурат бор экан. Ундаги видеолавҳалардан бирида, эркак кишининг: «Шунчаки… ўлиб кет» дегани аниқ-тиниқ эшитилиб турарди.
Флешкани топиб олган аёл уни полицияга топширган ва икки кундан сўнг Анкоридж яқинида бошқа бир номаълум аёлнинг жасади топилган. Полиция ўша флешкадаги маълумотлар шарофати билан қотилни аниқлашга муваффақ бўлган. Маълум бўлишича, у Жанубий Африка Республикасидан келган 48 ёшли Брайан Смит экан.
ЎҚИНГ: Қайнонасини ўлдирган келинни Apple Watch фош этди
Қотилни унинг акценти сотиб қўйган. Бундан ташқари, қотиллик TownePlace Suites отелида амалга оширилгани ҳам аниқланган: унинг номеридаги гилам флешкага кўчирилган расмлардаги билан бир хил эди. Уяли алоқа операторининг полицияга маълум қилишича, аёл ўлдирилган вақтда Смит ўша жиноят жойида бўлган.
Брайан Смит шаҳардан чиқиб кетмоқчи бўлаётганида, ўзиям нақ аэропортда қўлга олинган. Полиция фикрича, у қотиллик пайтида сурат ва видеоларни ўзи олган, кейин уларни флешкага кўчирган. Флешкани кўчада тушириб қолдиргани ва уни топган аёл полицияга топширгани туфайли қотиллик фош этилган.
ЎҚИНГ: Ҳатто форматланган диск ва флешкадаги ўчиб кетган файлларни ҳам тикловчи еттита энг зўр дастур
