Мусулмонларга мўлжалланган энг қулай браузер билан танишинг!
Малайзиянинг Salam Web Technologies стартапи мусулмонлар учун мўлжалланган биринчи браузерни намойиш этди. Бу хусусда Bloomberg хабарига таяниб Kun.uz нашри ёзган.
ЎҚИНГ: Fly Internet – рекламани блокловчи ва VPN’ли, бепул Android-браузер!
Илова ўтган йили пайдо бўлган бўлиб, унга эндигина эътибор қаратилди, деб хабар берди Bloomberg. Муаллифларнинг фикрича, SalamWeb интернетда бехатар сёрфинг қилиш учун мўлжалланган.
Ушбу илова очиқ мазмундаги ва мусулмонларни таҳқирловчи материалларни тўсадиган фильтрларга эга. Масалан, браузер фойдаланувчига порнография ва қимор ўйинлари билан боғлиқ сайтларни кўрсатмайди. SalamWeb иловаси Windows, Mac, iOS ва Android тизимлари учун ишлаб чиқарилган.
– Биз интернетни яхшироқ қилмоқчимиз. У яхши ва ёмонга бўлинади, бизнинг браузеримиз яхши интернетга йўл очади, – деган Salam Web Technologies вакили Ҳасни Зарина.
Айни вақтда SalamWeb браузери Малайзия ва Индонезияда яшовчи мусулмонларга мўлжалланган бўлиб, компания келгусида Ер юзидаги мусулмон аҳолининг 10%ини ўз иловасига ўтказмоқчи. Ушбу иловани Android-гаджетларга мана бу, iOS-девайсларга эса мана бу ҳавола орқали юклаб олиш мумкин. SalamWeb браузерини компьютерга ўрнатиш учун эса мана бу ҳавола орқали унинг расмий сайтига ўтиш лозим.
