Мутахассислар энг яхши ва энг ёмон iPhone моделларини аниқлашди

  •   DiMaX
  •  2154
  •  02.07.2017 15:37

Мутахассислар энг яхши ва энг ёмон iPhone моделларини аниқлашди

Apple компанияси iPhone номи остида ўзининг бир қатор смартфонларини тақдим этиб келмоқда, уларнинг ҳар бири ҳам ўз даврида етакчилардан бўлиб, ўзига яраша ном қозонган. Бироқ муайян моделларнинг ишлаб чиқарувчига келтирган даромади ҳамда бу билан компания акцияларининг ўсишига қараб, экспертлар iPhone’ларнинг энг яхши ва энг ёмон моделларини аниқлашди. Бу хусусда «Экономика сегодня» нашри хабар бермоқда.

Wall Street инвесторлари ҳар бир янги iPhone моделининг чиқарилиши билан Apple компаниясининг акциялари нахлари ошишини таҳлил қилишди. Шу тариқа, «Олма»нинг энг муваффақиятли ҳамда аксинча – энг муваффақиятсиз чиққан телефонларини маълум қилишди.

Тадқиқотлар натижасида аниқланишича, иқтисодиёт кўзи билан қараганда iPhone’ларнинг энг яхшиси – унинг 2007 йили чиққан биринчи модели экан. Ахир, у савдога чиқарилганидан кейинги 12 ой ичида Apple’нинг акциялари нархи икки баравардан ҳам зиёд – нақ 119 фоизга ошган!

Иқтисодий самарадорлиги бўйича иккинчи ўринда турувчи модель эса ундан тўрт йил кейин чиққан iPhone 4s экан. Унинг сотувга чиқарилиши арафасидаги 6 ойда Apple акциялари 28 фоизга ошган. Смартфон сотила бошлаганидан кейинги олти ой мобайнида эса бу кўрсаткич 36 фоизлигича турган.

Мутахассисларнинг фикрича, компаниянинг ўзи учун энг муваффақиятсиз чиққан смартфон модели – 2012 йилги iPhone 5 экан. Ахир, у бозорга тақдим этилганидан кейинги бир йил ичида Apple’нинг акциялари 36 фоизга арзонлаб кетган-да!

Terabayt.uz сайтининг видеолари: Youtube'даги каналимизда!