MWC 2016: HTC “Desire” туркумидаги смартфонлар учлигини намойиш қилди

Барселонада ўтаётган Жаҳон мобиль конгрессидаги смартфон ва янги технологиялар тақдимоти қизғин давом этмоқда. LG, Huawei, Samsung каби компаниялар қаторида HTC ҳам “Desire” туркумига кирувчи Desire 825, 630 ва 530 русумидаги ақлли мобиль аппаратларини тақдим қилди. Тайванлик ишлаб чиқарувчининг бу йилги анжуманга HTC One M10 флагмани ва унинг соддароқ талқини бўлган HTC One X9 гаджетлари билан иштироки кутилаётган эди.

HTC Desire 825

HTC Desire  825 Super LCD HD-матрицага эга 5.5 дюймли, 4 ядрода ишлайдиган Snapdragon 400 процессори, Android 6.0 Marshmallow операцион тизими ва  2 ГБ тезкор хотира, 16 ГБ қўшимча хотирага, 2700 мАсоат аккумуляторга эга.

Гаджет экранининг тасвир узатиш сиғими 720p. Смартфоннинг олд камераси 5 МП, бош камера эса 13 Мп. Иккалар камера ҳам  1080p форматидаги видео тасвир ёзиш лаёқатига эга.

Гаджетда Dolby Audio замонавий аудио тизими жорий қилинган бўлиб, у стерео овоз узаткичларига эга.

Desire  825 GSM/HSPA/LTE алоқа тармоқларида ишлашга мўлжалланган.

Смартфон ўлчамлари: 156.9 x 76.9 x 7.4 мм. У 155 грамм тош босади. HTC Desire 825’нинг 2 SIM-картани қўллаб-қувватлайдиган талқини ҳам мавжуд.

HTC Desire 630

HTC Desire 630 смартфони эса юқорида қайд этилган гаджетдан 5 дюймли дисплейи билан фарқ қилади. Қурилма 5 дюймли 720х1280 пиксель сиғимли экран, Snapdragon 400 процессори, Android 6.0. операцион тизими, 2 Гбайт тезкор хотира, 16 Гбайт қўшимча хотира, microSD флеш хотираси учун қўшимча бўлмача, 13 МП бош камера ва 5 МП олд камерага эга.

2 SIM-картали смартфон қувват тоши – аккмуляторининг қувват сиғими 2200 мА·соат. Қурилма LTE алоқа тармоғида ишлайди.

Гаджет GSM/HSPA/LTE алоқа тармоқларида ишлайди. Унинг ўлчамлари: 146.9 x 70.9 x 8.3 мм. Қурилманинг вазни 140 грамм.

Қурилмада замонавий сенсор тизимларидан ҳам фойдаланилган.

 HTC Desire 530

Desire 530

HTC Desire 530 5 дюймли, 720х1280 пиксель сиғимли экран, Snapdragon 210 процессори,  Android 6.0. операцион тизими, 1.5 ГБ тезкор хотира, 16 ГБ қўшимча хотира, microSD бўлмачаси, 8 МП бош ва 5 МП олд камера, 2200 мА соат аккумулятор билан таъминланган. У GSM/HSPA/LTE алоқа тармоқларида ишлайди.

Қурилма ўлчамлари: 146.9 x 70.9 x 8.3 мм. Унинг вазни 140 грамм.

Учала смартфон корпусининг орқа томонига тилларанг кичик холчалар билан безак берилгани дизайннинг ўзига хослигини таъминлаган.

Смартфонлар март ойидан бошлаб сотувга чиқарилади.