Нақ 3,000 долларлик смартфон тақдим этилди
Кеча Huawei катта тадбир ўтказди. Унда компания янги смарт соатлар, планшет, VR кўзойнаклар ҳамда иш столи компьютерини тақдим этди.
ЎҚИНГ: Galaxy смартфонларининг Android 12 операцион тизимига ўтиш саналари эълон қилинди
Шу куни компания, шунингдек, Collector's Edition Mate X2 смартфонини ҳам намойиш этди. Одатий Mate Х2'дан фарқли ўлароқ янги махсус букламафоннинг орқа панели қизил, қора ва оқ рангдаги чарм билан қопланган.
Смартфоннинг ташқи экрани қирилишларга бардошли бўлиши учун Huawei нано-кристалли шишадан фойдаланди. Collector's Edition Mate X2 букламафони 12ГБ тезкор хотира ҳамда 512ГБ доимий хотирага эга. Унинг нархи эса 3,090 долларни ташкил қилади. Қурилма декабрь ойидан сотувга чиқади.
Букламафоннинг қолган техник жиҳатлари аввалги Mate X2 билан бир хил, яъни у 8 дюймли асосий дисплей билан жиҳозланган. Дисплей FHD+ резолюцияда бўлиб 90Hz экран янгиланиш частотасини қўллаб-қувватлайди. Шунингдек, қурилма Kirin 9000 5G чипи, 4,500 мАс сиғимли аккумулятор ҳамда 55 ватт қувватлаш технологиясига эга.
Камералар ҳақида сўз борар экан, смартфон 50МП асосий камера, 12МП телефото камера, 16МП ультракенг камера ҳамда 8МП перископ модули билан жиҳозланган. Букламафон Harmony OS 2 операцион тизимида ишлайди.
