National Geographic учун Meizu 15'да сурат олинди
National Geographic журнали сайёрамиз табиати акс этган гўзал ва ғаройиб суратлари билан маълум ва машҳур. Шунингдек, бу журналда турли смартфонларда олинган махсус суратлар ҳам чоп этиб борилади. Бу гал таниқли журналнинг саҳифаларида Meizu 15 моделида олинган фотосуратлар эълон қилинди. Улар ёрдамида янги камерафон имкониятиларига гувоҳ бўлиш мумкин.
National Geographic журнали эълон қилган суратлар хитойлик флагманнинг камера имкониятлари ўртача эканидан далолат бериб турибди. Бундай камера технологиясини бугунги кунда кўплаб смартфонларда учратиш мумкин.
Meizu 15 моделига қадар iPhone 6s Plus ҳамда ASUS ZenFone 4 камераларида олинган суратлар ҳам мазкур журналда берилган эди.
Meizu 15 смартфони бош камерасига 2 та сенсор ўрнатилган. Объективларнинг асосийси 12 мегапикселли Sony IMX380 датчиги ва f/1.8 стандартли ёруғлик тақсимловчи линзага эга бўлган. Иккинчи сенсор учун 20 мегапикселли Sony IMX350 датчиги ҳамда f/2.0 стандартли апертура танланган. Бош камерада манзарани 3 карра яқинлаштириб суратга олиш функцияси жорий қилинган. Смартфон камерасида лазер ва фазали автофокус тизимлари, оптик барқарорлаштириш ҳамда 6 та линзали оптика тизими мавжуд.
Компаниянинг 15 йиллигига бағишлаб тақдим қилинган Meizu 15 смартфони 5,46 дюймли, Full HD сиғимли, томонлари нисбати 16:9 бўлган дисплей, Qualcomm Snapdragon 660 процессори, 4 гигабайтли тезкор хотира ва +64/128 гигабайт ички хотира, 3000 мА/соат ток сиғимига эга аккумулятор, SmarPA Cirrus Logic CS35L35 аудио тизимлари билан таъминланган.
Ўқинг: Meizu смартфонлари нархлари – харидингиз Ўзбекистон бўйлаб БЕПУЛ етказиб берилади! (2018 йил 15 май)
Бу туркумдаги Meizu 15, Meizu 15 Plus ҳамда Meizu 15 Lite моделлари Samsung ишлаб чиқарган Super AMOLED экран билан янада ўзига хос.
Энг юқори талқин бўлмиш Meizu 15 Plus 5.95 дюймли ва Quad HD сиғимли экрани, Samsung’нинг 8 ядроли Exynos 8895 процессори ҳамда 6 гигабайтли тезкор хотираси билан ўзига хос. Смартфонлар 400 АҚШ долларидан 500 долларгача бўлган нархларда сотилмоқда.
