Неча фоиз смартфон Android 13 операцион тизимига ўтгани маълум қилинди

Неча фоиз смартфон Android 13 операцион тизимига ўтгани маълум қилинди

Android 13 операцион тизими тақдим этилганидан буён Samsung, Xiaomi, Oppo, OnePlus, Vivo ва бошқа компаниялар ўз смартфонларини ушбу тизимга ўтказишни бошладилар. 

Android 13 тизимининг тарқатилиш диаграммасига асосланган ҳолда айтиш мумкинки, Google'нинг сўнгги операцион тизимида ишлаётган смартфонлар умумий қурилмаларнинг 5.2% ни ташкил қилади. Android 12 ва 12L тизимларида ишлайдиган смартфонлар сони 13.5% дан 18.9% га ошди. 

Эски Android версияларга келсак, жадвал Android KitKat версиясигача тушади. Жадвал қуйидагича тузиб чиқилган:

Android 11: 24.4%

Android 10: 19.5%

Pie: 13.2%

Oreo: 9.5%

Nougat: 3.7%

Marshmallow: 2.8%

Lollipop: 2.1%

KitKat: 0.7%

Ушбу кўрсаткичлар қандай тўпланганлиги аниқ маълум эмас. Бироқ 9To5Google маълумотларига кўра, у бир ҳафта давомида Google Play дўконига кирадиган Android қурилмаларига асосланган ҳолда тузиб чиқилган.

Android 13 қолган версияларга қараганда нисбатан тез смартфонларга етиб борди. Бунга сабаб Samsung ўз смартфонларини тезкорлик билан Android 13 тизимига асосланган One UI 5 график қобиғига ўтказгани сабаб бўлган. Дарҳақиқат, компания Android 13 тизимига ўтиши мумкин бўлган моделларга аллақачон ушбу тизимни жўнатиб бўлди.

ЎҚИНГ: Xiaomi давом этади: эндиги навбат Redmi Note 12 Turbo'га