Ниҳоят, Apple расмий сайтига iPhone 9 чиқди: кутилганидан анча қиммат!
Кечагина биз iPhone SE 2 (ёки iPhone 9) смартфонининг 31 март куниёқ намойиш этилиши ҳақида ёзгандик. Бу хабарлар ўзини оқламади, лекин ушбу модел аллақачон нархи билан бирга корпорациянинг расмий сайтига чиқди!
ЎҚИНГ: iPhone SE 2 ёлғиз эмас – ҳамёнбоп iPhone 9 Plus ҳам чиқади!
Бугун – 2020 йилнинг 1 апрель санасида Apple корпорациясининг Хитойдаги расмий сайтида ҳали расман намойиш этилмаган iPhone 9 смартфони суратлари пайдо бўлди. Мазкур айфоннинг фақат орқа панели акс эттирилган бўлиб, икки хил – кўк ва кул ранг корпусли вариантлари кўрсатилган.
Олдинги кўплаб сизиб чиққан маълумотларда айтилгани ва рендерларда кўрсатилгани каби, янги айфоннинг орқа панели классик дизайнда. Бош камераси биттагина тасвир датчигига ва фоточақноққа эга.
ЎҚИНГ: Смартфонингиз фоточақноғига қўшимча имкониятлар бахш этувчи учта бепул илова
Apple ҳали расман тақдим қилинмаган маҳсулот ҳақидаги юқоридаги маълумотнинг сайтга чиқиб кетганини пайқаб қолиб, тезда ўчирган. Аммо фойдаланувчилар шунгача ундан скриншот олиб, интернетга тарқатиб улгуришганди.
Масаланинг муҳим жиҳати шундаки, юқоридаги скриншотда iPhone 9 моделининг расмий нархи ҳам аниқ кўрсатилган. Унга кўра, Хитойда мазкур айфон 422 доллардан бошланувчи нархларда сотилади. Ҳолбуки, бу смартфон учун АҚШ ҳудудида 399 долларлик нарх белгиланиши айтилиб келаётган эди.
Шунингдек, ўзининг инсайдерлик маълумотлари билан танилган тармоқ информатори Жон Проссер (Jon Prosser) Apple корпорациясининг ички йиғилиши ҳақидаги хабарни тарқатди. Мажлисда улар iPhone 9 смартфонини апрелда тақдим қилишга келишиб олишган, дейди Проссер. Ҳозирги маълумотларга кўра, унинг намойиши 15 апрелда бўлиб ўтади, сотувга эса бу айфонни 22 апрелдан чиқаришади. Лекин коронавирус пандемияси туфайли бу муддатларга ўзгаришлар киритилиши мумкин.
ЎҚИНГ: Apple расмий сайтида ҳали тақдим этилмаган, кемтиксиз iPhone «қўлга тушди»!
