Ниҳоят, энг «бели бақувват» ҳамёнбоп – Galaxy M30s намойиш кунини Samsung расман эълон қилди!
Жанубий кореяликлар ҳамёнбоп смартфонларнинг нақ 6000 мА/соатлик аккумуляторга эга вакили – Galaxy M30s моделини тайёрлагани ва унинг хусусиятлари ҳақида кўплаб маълумотлар берганмиз. Ниҳоят, компания уни қачон ва қаерда тақдим этишини расман айтди.
ЎҚИНГ: Samsung’нинг иккита – «лочинкўз салкам флагман» ва улкан батареяли ҳамёнбоп смартфони тайёр!
Samsung тарқатган расмий постерга кўра, Galaxy M30s смартфонини 18 сентябрь куни Ҳиндистонда ўтказиладиган тадбирда жамоатчиликка илк бор кўрсатишади.
Galaxy M30s диагоналига 6.4 дюймлик, Full HD+ форматидаги (2400х1080 пикселлик) AMOLED-дисплей билан жиҳозланган. Унинг «электрон юраги» эса Galaxy A50 (сотиб олиш) моделида ҳам қўлланган саккиз ядроли Exynos 9610 процессори бўлади.
ЎҚИНГ: Galaxy A90 5G расман намойиш қилинди: Snapdragon 855 чипли, 5G-модемли илк ҳамёнбоп флагман!
Энг сиғимдор батареясидан ташқари, ушбу смартфон асосий сенсори 48 мегапикселлик бўлган уч модулли камераси билан ҳам мақтана олади.
Миш-мишларга қараганда, Galaxy M30s учун жанубий кореялик корпорация 300 доллардан камроқ нарх белгилайди. Аксарият Samsung телефонларини эса атиги 705 000 сўмдан бошланувчи нархлар эвазига Terashop.uz онлайн дўконимиздан харид қилиш имкони бор.
